Ŋakit. 2:10 - Ebaibul

¹⁰ Iruwor iyoŋ ŋini ios, ikiinakini aosou iyoŋ alakara.

Ŋakit. 2:10 Iomraidhean Croise

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 104:34

Elipi tolakar Ekapolon aŋuna ka akilip kaŋ, anerae alelyani ayoŋ aneni ke Ekapolon.

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:162

Alelyani ayoŋ alotooma akirot kon, lopite ŋolo elelyania ituŋanan ŋini eŋatari ibore ŋini alalan nooi.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Ŋakit. 1:4

Itatamete ituŋanan ŋini sek ebaŋaana toruwor ŋini ejokak ŋipitesyo; itatamete ŋisorok toruwor ŋulu eosok ka ŋulu ejokak ŋipitesyo.

Ŋakit. 14:33

Eyai aosou nakiro daadaŋ ŋuna etami ituŋanan ŋini eyakar ayenut, nai mam ŋakiro ŋuna ka aosou ŋuna eyenete ŋibaŋaanotin.

Ŋakit. 22:18

Eruwor ŋakiro ŋun ŋuna ikitalakarete iyoŋ erae kiric iyoŋ ikes alotau kon, ikiŋarakinete ikes iyoŋ erae kepatana iyoŋ alimunun ikes.

Ŋakit. 4:6

Nyiesik aosou, ikiŋarakini iyoŋ aosou, tomina aosou, ikiteni iyoŋ aosou.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.