Ŋakit. 18:15 - Ebaibul

¹⁵ Epedori ituŋanan ŋini apiiryanan aryamun aosou, ido iwarit ituŋanan ŋini eos akiirar ŋakiro ŋuna ka aosou.

Ŋakit. 18:15 Iomraidhean Croise

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

Yob 8:10

Nyepedorete mono ŋakiro a ŋulu a koloŋ akitatam iyoŋ ka alimokin ŋadi a? Nyepedorete ŋuna alimununeete ikes akitatam iyoŋ a? Ŋakiro ŋuna abasi ikes,

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 10:14

Eryamununeete ŋikaosok aosou daadaŋ ŋina ecamito ikes, nai itaapununui erwor a ŋibaŋaanotin ŋican diyete.

Ŋakit. 15:14

Iwarito ŋatameta a ituŋanan a ŋini eyakar ayenut aosou, nai ileleba nakitukwa a ŋibaŋaanotin ŋakiro ŋuna ka abaŋao.

Ŋakit. 15:31

Ituŋanan ŋini iiranari ŋakiro ŋuna aronok daadaŋ, ŋuna elimokinatae iŋes atemar toesik, eminakini akiboi aneni a ŋikaosok.

Ŋakit. 23:23

Togyelu ŋakiro ŋuna a kire, ido nyigyela; togyelu aosou ka ŋakiro ŋuna ikitatamio ta ayenut.

Ŋakit. 4:5

Toryamu aosou, toryamu ayenut ŋakiro; nyikimuryakis ŋakiro kaŋ, kori nyiesik ikes.

Ŋakit. 4:7

Erae aryamun aosou ibore ŋini epol nooi, aŋun, toryamu aosou. tari kiryamu iyoŋ ibore ŋinice daadaŋ, toryamu ayenut ŋakiro.

Ŋakit. 9:9

Kitatam ŋituŋa ŋulu aosok, eosokyoto ikes nabo nooi; kitatam ŋituŋa ŋulu iyookino, eryamunete ikes ŋuna kitiya anakiro a ŋuna itatami iyoŋ ikes.

Luk. 10:39

Ayai nakaato keŋ a Marita ŋina anyaritae Maria, ŋina abu kiboikin nakejen a Yesu akipup ŋakiro ŋuna etatami iŋes.

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.