Ŋakit. 17:3 - Ebaibul

³ Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Ŋakit. 17:3 Iomraidhean Croise

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 28:1

“Kire eyai neni ebokununeere esilipa ka eyai neni eliununuyere egolid.

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋikiru. 26:2

Okoe Ekapolon, kisyemei ayoŋ ka kikatakinae ayoŋ, kikatak etau ka ŋatameta kaŋ;

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋakit. 15:11

Ani kileere aneni a Ekapolon akibois a ŋikatwak ka amunyaro, ikokini nai Ekapolon pa eyeni ŋuna eya lotau a ituŋanan ai?

Ŋakit. 16:2

Epedori ituŋanan atamakin atemar iyookino ŋakiro daadaŋ ŋuna etami iŋes, nai Ekapolon eanyuni kiyookino ŋuna etami ituŋanan.

Ŋakit. 17:2

Epedori ipito ŋini itiyae ka aosou apolokin ikoku a ekapolon keŋ ŋini itiyae ŋakiro ŋuna a ŋileec, ido epedori akityak ka ŋidwe a ekapolon keŋ ŋiboro a ekapolon a ŋol.

Ŋakit. 21:2

Ejokak ŋiticisyo daadaŋ anakonyen a ituŋanan a ŋini itiyae ŋiticisyo, nai Ekapolon iŋes ite ŋuna eya lotau a ituŋanan.

Ŋakit. 27:21

Lokitet iŋes eliunere esilipa ka egolid ŋolo ajokan, nai itojokio ituŋanan anakiro a ŋuna ajokak a ŋuna ipuritere iŋes.

Isa. 48:10

Topupokisi, eketojoku ayoŋ iyes nai meere ikwa esilipa; ekekatak ayoŋ iyes anakimyekin ŋimoe ikisican iyes.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Esek. 22:18

“Lokoku a ituŋanan, aruwor Ŋisirael ŋicaryo aneni kaŋ. Ekwaanikin ikes ka ŋasuwa nu ŋuna edaun ajokis tari keboŋokin akiwuakin lokitet: Esilipa, eburonis, asuwat ŋina enyaritae tin, asuwat ŋina agogoŋon ka asuwat ŋina apotyon.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.