Ŋakit. 17:13 - Ebaibul

¹³ Ani kitiyae ituŋanan aronis neni a ŋulu itiyaete ajokis neni keŋ, nyiyotokini aronis alotuŋa a ituŋanan a ŋin.

Ŋakit. 17:13 Iomraidhean Croise

2 Sam. 12:10

Aŋun nai, nyimyekini ekileŋ akiar ŋituŋa a ekal kon, aŋuna ikijamuwarya iyoŋ ayoŋ, ido iya aberu a Uria ituruwo ŋina kon.

1 Ŋirw. 21:22

Esikwaanikini ayoŋ ŋituŋa a ekal kon ka ŋulu a ekal a Yeroboam alokoku a Nebat ta ŋulu a ekal a Baasa alokoku ka Aija, anerae ikitoŋo iyoŋ ayoŋ ka irikok iyoŋ a Ŋisirael nasecit.

Ŋikiru. 35:12

Itiyaete ikes ŋuna aronok neni kaŋ, etiyate bo ayoŋ ŋuna ajokak neni kec, akainakis ikes ayoŋ akiyaloloŋ.

Ŋikiru. 38:20

Ikes ŋulu itiyaete ŋuna aronok neni kaŋ; etiyate bo ayoŋ ŋuna ajokak neni kec, akaremokino ayoŋ, anerae ewuapit ayoŋ ŋuna ajokak.

Ŋakit. 13:21

Iwuapito ŋican ŋikasecak, nai akitiya ŋinibore ejok, eauni eropit neni a ŋulu iyookino.

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Mat. 27:5

Kimasak Yuda ŋisilipae Kai ka Akuj, toloma kiŋa; tolot nariet tomyedakin.

Ŋirom. 12:17

Ani kitiya ituŋanan ŋuna aronok neni kus, nyinyaŋasi ka aronis. Kikatakisi iyes akitiya ŋuna ejoikinito ŋituŋa daadaŋ.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Sam. 19:4

Kisirwor Yonasan Saul papa keŋ itojokit Daudi tema neni keŋ, “Nyemaikina erwosit eseci, kitiya aronis neni a Daudi a eketiyan keŋ, anerae mam asecit itiyat iŋes neni kon ka ejokak ŋiticisyo ŋulu itiyae iŋes aŋuna kon.

1 Sam. 24:17

Tema Saul neni a Daudi, “Irae iyoŋ ŋolo iyookino akilo ayoŋ; anerae itiya iyoŋ ŋuna ajokak neni kaŋ, ido etiya ayoŋ ŋuna aronok neni kon.

1 Sam. 25:21

Apaki ŋin, ariŋa neni abaakar Daudi ebe, “Abu ayoŋ ecanican apaki akitere ibore daadaŋ ŋini ayakar etuŋanan ŋol ne naloŋisat, emam ibore keŋ abu toŋopiya ipei daŋ. Nai etiya iŋes ŋuna aronok neni kaŋ, etiyate bo ayoŋ ŋuna ajokak neni keŋ.