Ŋakit. 16:24 - Ebaibul

²⁴ Ebobok ŋakiro ŋuna ajokak ikote akimyet ŋina ka ao, ebobok ikes alotau ka eaunete aŋaleu nakuwan.

Ŋakit. 16:24 Iomraidhean Croise

Ŋikiru. 119:103

Ebobok nooi ŋakiro kon eirari ayoŋ, ebobok nooi akilo tari ao inyami!

Ŋikiru. 19:10

Emaikina ikiburite nooi amina ikes akilo egolid, akilo tari egolid ŋolo eliuna ejok nooi; ebobok daŋ ikes akilo ao akilo tari ao ŋina eliuna bon anakap keŋ.

Ŋakit. 12:18

Epatana ŋakiro ŋuna irworoe car akiumiyar ituŋanan lopite ŋolo ikiduŋio ekileŋ, nai ikisirworiunete ŋakiro ŋuna irworosi ŋikaosok.

Ŋakit. 15:23

Ani keboŋoki ituŋanan ŋakiro ŋuna iŋisitae iŋes erae ŋuna iyookino, eyakaun alelyanu neni a ŋinituŋanan, ejok akirot ŋina ikilimokinio atipei nyelunyara apaki.

Ŋakit. 15:26

Erae asiilyo aneni a Ekapolon ayere akitiya aronis, nai erae alakara aneni a Ekapolon ayere akitiya ajokis.

Ŋakit. 17:22

Erae alakara a etau a ituŋanan ekitoe ŋolo einakinit akuwan keŋ aŋaleu, nai erae aŋoit ibore ŋini ipyedari etau a ituŋanan.

Ŋakit. 23:16

eyakaun alelyanu lotau kaŋ, erae kirworo iyoŋ ŋakiro ŋuna iyookino.

Ŋakit. 27:9

Epedorete akimyet ŋina akukunyon ka ekinyate abobokin ituŋanan iŋuuni, nai epedorete ŋican akipyedar etau a ituŋanan.

Ŋakit. 3:8

Ikiinakinete ŋun iyoŋ araakau ŋini eŋale akuwan ka ŋini iryamunit agogoŋu a ŋinapaki anakuwan kon.

Ŋakit. 4:22

Erae ŋakiro ŋun akiyar aneni a ŋulu eyenunete ŋakiro ŋun, erae aŋaleu daadaŋ ŋina a ŋawat kec.

Ekal. 12:10

Abu Ekalimonokinan kikatak akiwarunun ŋakiro ŋuna esiryoriunak, ido ŋakiro ŋuna abu iŋes kigir, arae ŋuna eyookino ka ŋuna a kire.

Eete a Ŋie. 4:11

Ebobok aneni kaŋ ŋakiro ŋuna ilimununui iyoŋ ateran kaŋ, ebobok aneni kaŋ ŋakiro ŋuna irworo iyoŋ ikote ao ka ŋakile, ebob eure a ŋilowi kon ikoni eure a Lebanon.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;

Akis. 10:10

Abu ayoŋ ejau ekitaabo ŋolo adit ŋol anakan keŋ onyam, toboboor iŋes anakituk kaŋ ikwa akimyet ŋina ka ao. Nai ani kadau ayoŋ akilikor, abu todwaryar anakook kaŋ.