Ŋakit. 16:21 - Ebaibul

²¹ Ebookoi ituŋanan ŋini eos ŋini eyeni ŋuna itiyae erae ŋini eyakar ayenut, ido ituŋanan ŋini irworo ŋakiro ŋuna ajokak, epedori akisupun ŋituŋa neni keŋ.

Ŋakit. 16:21 Iomraidhean Croise

1 Ŋirw. 3:12

akainakini ayoŋ iyoŋ ŋuna iŋita. Akainakini ayoŋ iyoŋ ŋatameta ŋuna ka aosou ŋuna eyenete ŋuna ajokak ka ŋuna aronok; mam ituŋanan ice ŋini ekoni iyoŋ kori mam ice ŋini ikoni iyoŋ ŋini eyakaun ekaku kon.

Ŋikiru. 45:2

Ibus iyoŋ erwosit akilo ŋikilyok daadaŋ; ejokak ŋakiro ŋuna irworo iyoŋ, aŋun, adau Akuj akiterereŋ iyoŋ ŋikaru ka ŋikaru.

Ŋakit. 10:13

Irworo ituŋanan ŋini eyakar ayenut ŋakiro ŋuna ka aosou, nai emetae a ebela ŋulu ebaŋaaka.

Ŋakit. 10:23

Elakara nooi ebaŋaanot anakiro a ŋuna aronok a ŋuna itiyae iŋes, nai elakara ituŋanan ŋini eyakar ayenut aŋuna ka aosou.

Ŋakit. 10:8

Ecamununuyete ŋituŋa ŋulu eosok akiwuap ŋakiciketa, nai emunaar ebaŋaanot ŋolo ecela car.

Ŋakit. 15:7

Iiranarete ŋituŋa ŋulu alalak ŋakiro ŋuna ka aosou aneni a ŋikaosok, nai nyiiranaryo ŋun aneni a ŋibaŋaanotin.

Ŋakit. 16:22

Erae aosou eitanit ŋolo ka akiyar a ituŋanan a ŋini eyakar aosou, nai erae abaŋao akisicanet ŋina a ŋibaŋaanotin.

Ŋakit. 23:15

Ikaakoku, ani kirae iyoŋ ŋini ios alotau kon, alakar ayoŋ daŋ alotau kaŋ;

Ŋakit. 27:9

Epedorete akimyet ŋina akukunyon ka ekinyate abobokin ituŋanan iŋuuni, nai epedorete ŋican akipyedar etau a ituŋanan.

Ekal. 12:10

Abu Ekalimonokinan kikatak akiwarunun ŋakiro ŋuna esiryoriunak, ido ŋakiro ŋuna abu iŋes kigir, arae ŋuna eyookino ka ŋuna a kire.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Luk. 4:22

Apotu ŋituŋa daadaŋ kipuro iŋes ka toumokis ikes a Ŋakiro a ŋuna Ajokak a ŋuna erworo iŋes temasi, “Meere nai lo lokoku a Yosepu a?”

Yoa. 7:46

Toboŋokis ŋisigarya ikes temasi, “Emam ekile ŋolo erwor ikoŋina irworor ekile ŋol!”

Ŋirom. 16:19

Eirasi ŋituŋa daadaŋ epite ŋolo iwuapitotor iyes ŋakiro ŋuna ka Akuj ka alakara ayoŋ nooi ikotere iyes. Acamit ayoŋ iyes toosok, toyenete ibore ŋini ejok ka tomam ŋuna ikikamunito anakiro a ŋuna aronok.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.