Ŋakit. 16:2 - Ebaibul

² Epedori ituŋanan atamakin atemar iyookino ŋakiro daadaŋ ŋuna etami iŋes, nai Ekapolon eanyuni kiyookino ŋuna etami ituŋanan.

Ŋakit. 16:2 Iomraidhean Croise

Ŋikiru. 36:2

Emina ituŋanan ŋini ikoni ŋin akirworo itojoka bon, Itojoka iŋes nooi nyepedori ayenun asecit keŋ, kori akiŋer asecit keŋ.

Ŋakit. 12:15

Etamete ŋibaŋaanotin atemar iyookino ŋuna iwuapito ikes, nai iiranarete ŋikaosok ŋakiro ŋuna elimokinio atemar toesikisi, kori kitiyata.

Ŋakit. 16:25

Ŋapakio ŋace, eyakaunun ituŋanan atamakin atemar iyookino ŋuna iwuapit iŋes, nai ekaku, eyenuni ituŋanan atemar erikorito iŋes ŋun natwanare.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Ŋakit. 21:2

Ejokak ŋiticisyo daadaŋ anakonyen a ituŋanan a ŋini itiyae ŋiticisyo, nai Ekapolon iŋes ite ŋuna eya lotau a ituŋanan.

Ŋakit. 24:12

Ani kitemasi iyes ebe, “Kiirasi, pa ayenio isua ŋakiro ŋun,” eyeni Akuj ŋuna iyakatar iyes lotai kus, eyeni Akuj ŋina iyokit akiyar kus ŋakiro ŋun, eropi iŋes ŋinituŋanan alopite a ŋolo itiyator ŋinituŋanan.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Dan. 5:27

TEKEL iŋes atemar, adaun akipim iyoŋ anakipimeta ka ikiryamun atemar nyipedorit akipuka.

Ekim. 22:32

Kiŋit emalaika a Ekapolon Balaam tema, “Kaanukiro iramya iyoŋ esigirya kon ŋarwa ŋauni tokona? Abunit ayoŋ arae ŋolo akaremokino iyoŋ, anerae nyiyookino aneni kaŋ ŋakiro ŋuna ilosyo iyoŋ.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Akis. 2:18

“Kigir neni ke emalaika a ŋolo ka atukot a Ŋikristo alo Tyatira atemar: “Erae ŋakiro nu ŋuna a Lokoku ka Akuj, a ŋolo ikote ŋakonyen arira ŋina ka akim ka ŋolo ecayete ŋakejen keŋ ikwa asuwat ŋina epwasitae.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Ŋikat. 17:6

Alorwa a ŋul amam erwosit ayai Isirael, etiyaete ŋituŋa daadaŋ ŋiticisyo ŋulu ejoikinito ikes.

Ŋikat. 7:6

Arae ekimar a ŋikilyok a ŋulu apotu kilwakilwaka ŋakipi ikwa ŋiŋokwo ŋamiae ŋauni, nai ŋuluce daadaŋ apotu toryediko tookununut a ŋakan ŋakipi tomata.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.