Ŋakit. 16:18 - Ebaibul

¹⁸ Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Ŋakit. 16:18 Iomraidhean Croise

Esta 3:5

Ani eanyuni Aman atemar nyecamit Moridekai aryedik alokiŋaren keŋ akitopoloor iŋes, toŋo Aman nooi.

Esta 6:6

Aŋun, abu Aman tolomu tooma neni ayai erwosit, kiŋit erwosit iŋes tema, “Anukiro itemokino kitiyae neni a ekile a ŋolo ecamit erwosit akitopoloor?” Tema Aman bon alotau keŋ, “Ŋae mono tokona ecamit erwosit akitopoloor akilo ayoŋ?”

Esta 7:10

Aŋun, apotu ŋituŋa kinenekis Aman nakito ŋuna abu iŋes todupak akinenekin Moridekai. Totikiun nai anyunyura a erwosit.

Ŋakit. 11:2

Ani kisyak ituŋanan akituro, esyak iŋes tari amamukau ka ajokis nai eyakar ŋini itiditeuna bon aosou.

Ŋakit. 17:19

Ituŋanan ŋini emina ebura, emina asecit, ituŋanan ŋini ituro a ŋinapaki, erikunit ŋican nakuwan keŋ.

Ŋakit. 18:12

Ani eriŋa ituŋanan nyemunaara, ileleba akituro lotau keŋ, nai akitiditeuna mono emaikina eyakar ituŋanan eriŋa nyitopolooro.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Yer. 50:32

Igukini ŋiketurok kibusokinos, emam ituŋanan itonyouni ikes, ecunyakini ayoŋ akim lotaunio kec ka enomiyari ibore daadaŋ ŋini eyai diyete kec.”

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 29:9

eruwor akwap a Ijipit ŋina asilon ka eruwor akoŋinait. Apaki nai ŋin eyenuniata Ŋijipitian atemar arae ayoŋ Ekapolon.’ “Aŋuna abunio Parao tolimu ebe, ‘Erae aŋolol Nile ŋina kaŋ, ayoŋ etiyauni iŋes,’

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Dan. 5:22

Tosodi iyoŋ Belisasar lokoku keŋ, nyitiditeuna iyoŋ bon alotau kon, tari kiyeni iyoŋ ŋakiro daadaŋ,

Dan. 5:24

“Ŋakiro ŋun, iŋes eyakiunia Akuj akan ŋina abu kigir ŋakiro ŋun.

Mat. 26:74

Togeu nai Petero akilama bon ka akikoŋ ebala, “Nyayeni ayoŋ ekile ŋol!” Apaki ŋinapei ŋin, toruuni ekokoroit.

Luk. 14:9

ido ebuni ŋolo ikinyaraunit iyes daadaŋ, itolimok iyoŋ tema, ‘Tonyou kimyek ekile lo kiboikin nege.’ A nen ikirumete iyoŋ ŋileec, tosodi tolot akiboikin kaku.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

1 Tim. 3:6

Nyitemokino iŋes erae ituŋanan ŋini ariŋa enupi ŋakiro ŋuna ka Akuj, anerae acepaki iturokin, tosodi toloma natubokino ŋina ka Akuj ŋina etubokinitere Satan.

Ŋikat. 11:28

Nai abu erwosit a Ŋiamoni nyecamu ŋakiro ŋuna eyakiyaritotor Yepesa ŋituŋa neni keŋ.

1 Sam. 17:42

Ani eŋoleŋolekini Epilistait ŋol, kiŋolik Daudi, tojamuwa iŋes, anerae arae edya koŋin, ido acope ŋakonyen ka torae ŋolodirya ka akuwan.