Ŋakit. 15:8 - Ebaibul

⁸ Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 15:8 Iomraidhean Croise

2 Sam. 15:12

Apaki ŋina ainakinia Abusalom ŋamuronisya neni ke Ekapolon, abu iŋes kiyakiya ituŋanan neni ka Aisopel a ŋolo a Gilo, a ŋolo arae ekeŋarakiniton Daudi. Aboi Aisopel lotaun a ŋolo anyaritae Gilo. Kiyatakin nooi acamit ŋina ka akikamar apukan aneni a erwosit, torubakis ŋituŋa ŋulu ariito ka Abusalom iyatasi.

1 Ŋirw. 3:10

Tolakar Ekapolon aŋuna eŋisya Solomon iŋes ŋakiro ŋun.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Ŋikiru. 17:1

Okoe Ekapolon, topupok kare ca ŋakiro kaŋ nu ŋuna iyookino; kiira kare ca akigworo kaŋ; kiira akilip kaŋ ŋina elipi ayoŋ emam alyokonu.

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Ŋakit. 15:29

Nyecamuni Ekapolon akiirar akilip a ŋituŋa a ŋulu aronok, nai iiranari Ekapolon akilip a ŋituŋa a ŋulu iyookino.

Ŋakit. 15:7

Iiranarete ŋituŋa ŋulu alalak ŋakiro ŋuna ka aosou aneni a ŋikaosok, nai nyiiranaryo ŋun aneni a ŋibaŋaanotin.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Eete a Ŋie. 2:14

Okoe ŋolominat kaŋ, ani iyai iyoŋ naŋici a ŋatabab ka nagoloi a ŋatabab, kimyekinae ayoŋ eŋolik ereet kon, kimyekinae ayoŋ eira etoil kon, anerae akabobokinit ayoŋ akiirar etoil kon ka akajoikinit ayoŋ akiŋolikin ereet kon.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Dan. 9:23

Apaki ŋina igeunia iyoŋ adyekanar ilipi, ibu iyoŋ tolimu akirot, abu tokona ayoŋ alimokin iyoŋ aboŋokinet a akirot a ŋin, anerae ikiminae iyoŋ nooi. Aŋun totamatama ŋuna ka akirot a ŋin, ido toyenu akisileerekinet.

Ŋilep. 7:18

Ani kenyama ituŋanan akiriŋ ŋina ka ainakinet a ŋina ke ekisil ke Ekapolon kepena ŋirwa ŋiuni, nyecamuni Akuj ainakinet ŋin. Nyimarakinio atemar abu ekalemunan ainakinet a ŋin tolemu ainakinet adio, eruwor ainakinet ŋin ŋina nyejok; ido ituŋanan ŋini enyami ainakinet ŋin, eruwor ikasecan.

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Mika 6:7

Elakar mono Ekapolon keyaun neni keŋ ŋamesekin ŋalipyo ka akimyet ŋina ilelebun ŋaŋololin ŋalipyo ŋatomon a? Ainakini mono ayoŋ Ekapolon ikoku kaŋ ŋini kiyae aŋuna a ŋadyakanareta a? Ainakini mono ayoŋ iŋes arait ŋina ka akuwan kaŋ aŋuna ka asecit ke etau kaŋ a?”

Agai 2:14

Tema nai Agai neni kec, “Ebala Ekapolon, ikote nenipei ŋakiro aneni kus a ŋituŋa a ŋulu ete ayoŋ ka akwap na ŋina ete ayoŋ. Aŋun nai, ŋiticisyo kec daadaŋ ka ibore kec daadaŋ ŋini eyaununeete ikes, erae ŋulu nyitaleoritae.

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Yoa. 4:24

Erae Akuj Etau; ŋulu ilipete neni keŋ, itemokino kilipa alotooma Etau ka alorot a ŋolo a kire.”