Ŋakit. 15:30 - Ebaibul

³⁰ Eyauni akitere ŋuna ajokak alelyanu lotau, ido ikiinakini ekiyan ŋolo ajokan aruwor ŋini emam ŋuna aronok itami.

Ŋakit. 15:30 Iomraidhean Croise

Esir 9:8

Nai tokona, alotooma apaki ŋina euruwuana, ikiminak iyoŋ isua Ekapolon Akuj kosi, iyoŋ ŋolo ibu ikimyek isua ikirae ŋipiya ka ikiinak isua akiboi ikirae ŋulu ikiuna anakibois kon a ŋina asegan, ikotere ikiinakinia isua akiboi emam ŋace ka akiyar ŋina kitete anakiyar a na a ŋina ikiraakar ŋipi.

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Ŋakit. 12:25

Epedori akiyaloloŋ ayaun asiliyorit lotau a ituŋanan, nai epedorete ŋakiro ŋuna ka arimao akisimukekin ituŋanan.

Ŋakit. 13:9

Ikwaan ŋulu iyookino ka akica ŋina ecai nooi, nai ikwaan ŋulu aronok ka akica a etaa ŋina irwapirwapi ecamit aduŋere.

Ŋakit. 15:29

Nyecamuni Ekapolon akiirar akilip a ŋituŋa a ŋulu aronok, nai iiranari Ekapolon akilip a ŋituŋa a ŋulu iyookino.

Ŋakit. 15:31

Ituŋanan ŋini iiranari ŋakiro ŋuna aronok daadaŋ, ŋuna elimokinatae iŋes atemar toesik, eminakini akiboi aneni a ŋikaosok.

Ŋakit. 17:22

Erae alakara a etau a ituŋanan ekitoe ŋolo einakinit akuwan keŋ aŋaleu, nai erae aŋoit ibore ŋini ipyedari etau a ituŋanan.

Ŋakit. 25:25

Ŋakiro ŋuna ajokak ŋuna iakuunitae anakwap ka ace, ejokak nooi ikote akimat ŋakipi ŋuna alilimok ci ikinyamit akure.

Ŋakit. 3:8

Ikiinakinete ŋun iyoŋ araakau ŋini eŋale akuwan ka ŋini iryamunit agogoŋu a ŋinapaki anakuwan kon.

Ekal. 11:7

Ejok akica nooi, erae akiŋolikin akica ŋina ka akoloŋ ibore ŋini ejok nooi.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.