Ŋakit. 15:27 - Ebaibul

²⁷ Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Ŋakit. 15:27 Iomraidhean Croise

1 Ŋirw. 2:40

abu iŋes tonyou toenik esigirya, tolot akis nakwap ŋina a Gas akiwarit ŋipi keŋ. Tonyou Simei alo Yerusalem tolot Gas kinyaku ŋipi keŋ ai na.

2 Ŋirw. 5:27

Aŋun, ikitapakin tokona iyoŋ atapon a Naaman; etapakin daŋ loletok kon ŋikaru ka ŋikaru.” Abu Geasi torotoki ekwaŋ akuwan keŋ kia, ileleba atapon.

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Awos. 23:8

Nyicamut akaluŋuluŋut adio, anerae nyepedorete ŋikapolok aruwor ŋulu iyookino erae kecamununeete ŋakaluŋuluŋui, epedorete ikes akiloc ŋakiro a ŋulu iyookino.

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Ŋakit. 11:19

Ituŋanan ŋini nyiryaŋiryaŋa anakiyookino keŋ, eyari, nai ituŋanan ŋini erubakinit jik itiyae aronis, etwani.

Ŋakit. 11:29

Ituŋanan ŋini eaununui ŋican lotuŋa a ekal keŋ, edaun ibore eruwor ŋini keŋ ekaku, ido eruwor ŋibaŋaanotin ŋiketiyak a ŋikaosok.

Ŋakit. 15:26

Erae asiilyo aneni a Ekapolon ayere akitiya aronis, nai erae alakara aneni a Ekapolon ayere akitiya ajokis.

Ŋakit. 20:21

Ebari ŋolo eryamunio ka atipei anakisyakinet, eruwor ekaku ŋolo nyiterereŋitoe.

Ŋakit. 23:4

Nyituupa bon aŋirikinit akiburuburakin aryamun ebari, toyakatar aosou ŋina itoodiunit atemar ititinyikinit iyoŋ.

Ŋakit. 28:16

Ekepukan ŋolo eryenyaana, emamukar ayenut, nai ituŋanan ŋini nyecamit ibore ŋini edemunitae ŋinice, eyakaun nakiyar ŋina aoyan ŋina ka alelyanu.

Ŋakit. 28:25

Ŋikanyamak ikes isyanakinete egurigur, nai ituŋanan ŋini ikinyomi Ekapolon, einakinio akiyar ŋina ajokan.

Ŋakit. 29:4

Ani kipuka erwosit akwap keŋ anakiyookino, itogogoŋi akwap keŋ, nai ani kemina iŋes ŋakaluŋuluŋui, ikurukuroori akwap keŋ todaun.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

Yos. 6:18

Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”