Ŋakit. 15:15 - Ebaibul

¹⁵ Etyonikinit ŋikulyak akiyar ŋirwa daadaŋ ŋulu ka akiyar kec, nai ŋituŋa ŋulu elakara, elelyanete a ŋinapaki anakiyar kec.

Ŋakit. 15:15 Iomraidhean Croise

Akisy. 37:35

Potu ŋidwe keŋ daadaŋ ŋulusapa ka ŋulupesur akisirwor iŋes, nai towou iŋes akisirworiuno tema, “Mam, alomari ayoŋ kwap nakipany neni alokoku kaŋ egworo.” Aŋun, kigwor Yakob aŋuna a Yosepu.

Akisy. 47:9

Toboŋok Yakob Parao tema, “Erae ŋikaru kaŋ anakwap a na amiat apei ka ŋatomoniuni. Ekudyoko ka etyoko ŋikaru ŋulu a akiyar kaŋ ŋul, nyikwaan ka ŋikaru a akiyar atapapaa kaŋ apaki ŋina awosyata akaoyan.”

Ŋakit. 15:13

Ituŋanan ŋini emaisyani, itoodiunit alakara ŋina eyai lotau keŋ, nai ani kiyaloloŋi ituŋanan, mam alakara eyai lotau keŋ.

Ŋakit. 15:14

Iwarito ŋatameta a ituŋanan a ŋini eyakar ayenut aosou, nai ileleba nakitukwa a ŋibaŋaanotin ŋakiro ŋuna ka abaŋao.

Ŋakit. 15:16

Ejok ayakau ka ibore idio cici kitopoloorite Ekapolon, akilo ayakau ka ebari toyai locan.

Ŋakit. 16:22

Erae aosou eitanit ŋolo ka akiyar a ituŋanan a ŋini eyakar aosou, nai erae abaŋao akisicanet ŋina a ŋibaŋaanotin.

Ŋakit. 17:22

Erae alakara a etau a ituŋanan ekitoe ŋolo einakinit akuwan keŋ aŋaleu, nai erae aŋoit ibore ŋini ipyedari etau a ituŋanan.

Ŋitic. 16:25

Ani eapikini kidiŋ akuwar, elipete Paulo ka Silas toeos ŋieosyo neni ka Akuj, topupete ŋimabus ŋuluce ikes.

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 1:5

Ikwaŋinapei ikimorya iwon ŋican ŋulu a Kristo ŋulu alalak, ikimori daŋ alotooma Kristo ŋakiŋaranakineta ŋuna alalak ŋuna ka Akuj.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.