Ŋakit. 15:11 - Ebaibul

¹¹ Ani kileere aneni a Ekapolon akibois a ŋikatwak ka amunyaro, ikokini nai Ekapolon pa eyeni ŋuna eya lotau a ituŋanan ai?

Ŋakit. 15:11 Iomraidhean Croise

2 Ŋakiro a ŋirwa 6:30

ekelipit kiira anakuj aneni erae akibois ŋina iboiyo iyoŋ. Ekelipit kisyoni ka kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Yob 26:6

Ite Akuj akibois a ŋikatwak erae ŋina emam ibore eyai, ite iŋes Abadon.

Ŋikiru. 139:8

Ani kalot ayoŋ nakuj, iyai iyoŋ inaa; ani kalot ayoŋ nakibois a ŋikatwak iyai iyoŋ neni daŋ.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋakit. 15:10

Eyai akisicanio ŋina apolon nooi neni a ŋini nyiwuapi ŋuna ebookoi kiwuapa, nai ituŋanan ŋini nyecamit alimokino atemar toesik akitiya ŋuna aronok, etwani.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 9:11

Eyakatar ikes erwosit ŋolo ipukat ikes ŋolo erae emalaika ŋolo epolokinit auwuat ŋina aoyan ŋina nyesalunit alokwap. Enyaritae ekeekiro a Ŋaburaniyae Abadon; a Ŋagirik enyaritae Apolyon (akeepolou iŋes atemar “Ekenyasunan.”)

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”