Ŋakit. 14:8 - Ebaibul

⁸ Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 14:8 Iomraidhean Croise

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 119:5

Okoe elipi ayoŋ opedo arubakin anakiwuapit ŋakiro kon!

Ŋikiru. 119:73

Iyoŋ ikisubuni ka ikiyeuni ayoŋ; inakinae ayoŋ aosou oyenunia ŋakiciketa kon.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋakit. 11:18

Emam eropit eryamununeete ŋituŋa ŋulu aronok. nai ŋituŋa ŋulu itiyaete ŋuna iyookino, eryamunete eropit ŋolo a kire.

Ŋakit. 12:5

Erae ŋakiro ŋuna etamete ŋulu iyookino ŋuna iyookino; erae ŋakiro ŋuna ikilimokinete ŋulu aronok ŋuna nyipedori akikinyom.

Ŋakit. 15:21

Ituŋanan ŋini emam ayenut eyakar ebobokinit iŋes akitiya ŋuna ka abaŋao, nai ituŋanan ŋini eyakar ayenut itiyae ŋuna iyookino.

Ŋakit. 2:9

Ani kiirasi iyes ŋakiro kaŋ, iyenunete ŋuna iyookino ka ŋuna ajokak, ido itiyaete ŋuna daadaŋ itiyaete ŋituŋa ŋulu ajokak.

Ŋakit. 8:20

Ewuapit ayoŋ ŋuna ka akiyookino, ewuapit ayoŋ ŋuna a kire,

Ekal. 2:13

Abu nai ayoŋ oyenu atemar ejok nooi aosou akilo abaŋao, ikwaan ka neni ejokia nooi akica akilo akiryonut.

Ekal. 2:16

Erae ŋun aŋuna nyerubakinere jik etamunitae ekaoson, kori imuryakin ŋuluarei ŋul daadaŋ. Lopite ŋolopei etwania ebaŋaanot, etwani ekaoson daŋ.

Yer. 13:20

Ŋituŋa a Yerusalem, kirereiyosi kiŋolikis, ŋituŋa ŋulu eponito alo Kuju. Ai eya ŋamesekin kus ŋulu aponi ikiinakin iyes, ai eya ŋamesekin kus ŋuna ebusak?

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 5:17

Nyibaŋaaka, nai kikatakisi ayenun ŋuna ecamit Ekapolon.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.