Ŋakit. 14:32 - Ebaibul

³² Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Ŋakit. 14:32 Iomraidhean Croise

Akisy. 49:18

Akuj, edarit ayoŋ aiuno aneni kon,

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Yob 18:18

Adaun akimasar ikes anakica tooma nakiryonut adaun akiritar ikes anakwap.

Ŋikiru. 16:11

Ikitoodik iyoŋ ayoŋ erot ŋolo elosi nakiyar; alelyani ayoŋ nooi aŋuna ikirukitor ka ayoŋ; ani iapi iyoŋ aneni kaŋ, alakara ayoŋ ŋirwa daadaŋ ŋulu ka akiyar kaŋ.

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ŋikiru. 58:9

Ani eriŋa ŋulu aronok nyeyenuna, elemaryo ikes ikwa edowan; emunyari Akuj ikes anaŋoit keŋ a ŋina aryenyaanan. Epyaari Akuj ikes eriŋa esorokoka elelakinito akitiya aronis.

Ŋikiru. 73:24

Ikitenit iyoŋ ayoŋ a ŋakitatameta kon, ekaku, ikijaari iyoŋ ayoŋ tooma napolou.

Ŋakit. 11:5

Akiyookino a ŋituŋa a ŋulu emam ŋakiro itoroniyaritere, einakini ikes akiboi emam ŋican eryamunito, nai iwarunete ŋulu aronok atwanare kec.

Ŋakit. 14:33

Eyai aosou nakiro daadaŋ ŋuna etami ituŋanan ŋini eyakar ayenut, nai mam ŋakiro ŋuna ka aosou ŋuna eyenete ŋibaŋaanotin.

Ŋakit. 24:16

anerae tari daŋ keryamut ŋituŋa ŋulu iyookino ŋican ŋarwa ŋakanikaarei, etenete nabo, nai ereunete ŋican ŋituŋa ŋulu aronok.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Ŋakit. 6:15

Ituŋanan ŋini itiyae ŋun, eryamuni ŋican atipei, inyasun nooi nyepedoryo nabo akisirworiun.

Luk. 2:29

“Iyook tokona iyoŋ Ekapolon akiikinet kon, kimyekinae nai ekoniketiyan eeŋu a ekisil.

Yoa. 8:21

Tolimok nabo Yesu ikes tema, “Alosi ayoŋ. Ikiwarete iyes ayoŋ, nai itwakete anasecit kus; nyipedorete iyes aponare neni alosi ayoŋ.”

Yoa. 8:24

Akalimokinit ayoŋ iyes atemar, itwakete anasecit kus. Kire itwakete anasecit kus, erae pa kinupa atemar ‘Arae Ayoŋ ŋolo Arae Ayoŋ.’”

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

2 Ŋikor. 1:9

Kire aponi isua totamakinae atemar ikitubokin atwanare. Nai apotu ŋun kitiyakin, ikotere nyiwuakin isua akigeno neni kosi a ŋilopeyek, nai neni ka Akuj bon, a ŋina iteyarununui ŋikatwak.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Ŋipil. 1:21

Anerae aneni kaŋ, Kristo iŋes erae akiyar, ido atwanare eyauni epoida.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

2 Tim. 4:18

Akalakuni ayoŋ Ekapolon anaronis a daadaŋ ka akaiuni iŋes ayoŋ okoya Napukan keŋ ŋina anakuj. Toyai apolou ŋina nyedaun neni keŋ ŋikaru ka ŋikaru! Amen.

Akis. 14:13

Abu eira etoil anakuj ebala, “Kigir nu: erereŋ ŋituŋa ŋulu etwakete anakijaanakin Ekapolon ameun tokona!” Toboŋok Etau tema, “Ee, kire jik! Ieŋunete ikes alocan kec, anerae erukorete ikes ka ŋiticisyo kec.”