Ŋakit. 14:2 - Ebaibul

² Ituŋanan ŋini elosi erae ŋini iyookino, itopoloorit Ekapolon, nai ituŋanan ŋini nyitiyae ŋuna a kire, ejamuwarit Ekapolon.

Ŋakit. 14:2 Iomraidhean Croise

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

2 Ŋirw. 17:34

Tari tokona eriŋa ikes iwuapito ŋitalyo kec ŋulu ŋorok. Nyilipeneneete ikes neni ke Ekapolon ka nyiwuapito ŋakiro keŋ, kori ŋikisila keŋ, kori ŋakiciketa ŋuna abu Ekapolon inak ŋidwe a Yakob a ŋolo abu Ekapolon tolimok ekiro ŋolo enyaritae Isirael.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 12:4

Aruwor ayoŋ ŋolo akakyenatar ŋikonei kaŋ; ayoŋ ŋolo sek eŋisenene Akuj ekeŋarak, ido abu ekeŋarak ayoŋ ŋolo sek eyookino, ŋolo amam ŋuna eketoroniyaritere, aruwor tokona ŋolo akakyenare.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 112:1

Kipuroe Ekapolon! Erereŋ ŋituŋa ŋulu itopoloorito Ekapolon, ŋulu elakara anakiwuapit ŋakiciketa keŋ.

Ŋikiru. 25:21

Elipi ayoŋ okoiu ajokis kaŋ ka akiyookino kaŋ, anerae ekegeno ayoŋ iyoŋ.

Ŋakit. 11:12

Ituŋanan ŋini ejamuwarit ŋuluce, erae ibaŋaanot, nai emina ituŋanan ŋini aoson akililiŋiyanar ŋakiro.

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Ŋakit. 2:15

erae ikes ŋulu nyiyookino ŋuna itiyaete ka erae ikes ŋulu nyiwuapito ŋuna ejokak.

Ŋakit. 28:6

Ejok akulyako toyai irae ŋini iwuapit ŋuna ka akiyookino, akilo araakau ŋini nyejokak ŋipitesyo tobarite.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Luk. 16:14

Ani iirarete Ŋiparisayon ŋulu aminasi ŋisiliŋa ŋakiro ŋun daadaŋ, tojamuwasi iŋes.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.