Ŋakit. 14:19 - Ebaibul

¹⁹ Eryedikete ŋituŋa ŋulu aronok alokiŋaren ŋulu ajokak, ido eyakaunos ŋituŋa ŋulu aronok lopukei a ŋituŋa a ŋulu iyookino.

Ŋakit. 14:19 Iomraidhean Croise

Akisy. 42:6

Arae Yosepu ekapolon anakwap a Ijipit apaki ŋin, arae iŋes agyelanari akimuj neni a ŋituŋa a daadaŋ. Todolut ŋikaitotoi a Yosepu, toryediko alokiŋaren a Yosepu, kijuuroto.

Akisy. 43:28

Toboŋokis ikes temasi, “Eŋale eketiyan kon papa kosi; eriŋa eyari.” Kijuuroto ikes itopoloorito Yosepu.

2 Ŋirw. 3:12

Tolimu Yeosapat tema, “Eyai akirot ŋina ke Ekapolon neni keŋ.” Toloto nai erwosit a Isirael ka ŋolo a Yudaya ta ŋolo ke Edom neni ayai Elisa.

Ŋikiru. 49:14

Elomarete ikes nakibois a ŋikatwak, lopite ŋolo elomaryata ŋamesekin nakibois ŋina eŋolere, ido etwakete ikes. elomarete ikes kwap, meere iwace, eŋopiyarete ŋasima kec; eruwor akibois a ŋikatwak ŋina kec.

Awos. 11:8

Tema nai Moses irikakini erwor keŋ, “Epote ŋikapolok kus lu daadaŋ neni kaŋ, toryediko alokiŋaren kaŋ ebasi, ‘Apesi, iyoŋ kaapei ka ŋituŋa kon.’ Ekaku a ŋun, arotokini ayoŋ.” Torotok nai Moses aneni a Parao eŋoit nooi.

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Ŋakit. 11:29

Ituŋanan ŋini eaununui ŋican lotuŋa a ekal keŋ, edaun ibore eruwor ŋini keŋ ekaku, ido eruwor ŋibaŋaanotin ŋiketiyak a ŋikaosok.

Ŋakit. 14:18

Eruwor abaŋao ibore ŋini eryamunete ŋibaŋaanotin, nai einakinio ŋikaosok aosou.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Mal. 4:3

Akoloŋit ŋin ŋina etiyakinia ayoŋ ŋun, ilounete iyes ŋulu itiyaete aronis, ipudaarete iyes ikes ikwa apuwa ŋina eyai kwap nakejen kus.

Ŋitic. 16:39

A ŋun, potu ikes adyekit Paulo ka Silas akisyon ikes. Toŋaut nai ikes alomabus, kiŋitakis ikes alosit alotaun.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.

1 Sam. 2:36

Tosodi nai, epote ŋituŋa ŋulu emyekin a ekal kon aryedik alokiŋaren esacaradoti ŋol, ilipasi esilipa edio ka imugati, ido todyeka iŋes ebasi, ‘Inakinae kareca etic edio anakibois a esacaradoti, ikotere ikiryamuni akimuj adio kimujae.’ ”