Ŋakit. 14:15 - Ebaibul

¹⁵ Enupito ŋibaŋaanotin ŋakiro daadaŋ, nai eyenete ŋituŋa ŋulu eyakatar ayenut ŋakiro ŋuna itiyaete.

Ŋakit. 14:15 Iomraidhean Croise

2 Sam. 1:5

Kiŋit nai Daudi esorokit ŋolo ayaunit ŋakiro neni keŋ ŋol tema, “Ikokini iyoŋ ianyuni atemar atwaka Saul ka Yonasan lokoku keŋ ai?”

1 Ŋirw. 2:18

Toboŋok Basiseba iŋes tema, “Ejok nooi; eŋisi ayoŋ erwosit ŋun aŋuna kon.”

Neem. 6:4

Kiyakuut ikes ŋituŋa neni kaŋ ŋarwa ŋaomwon, ebasi neni pei, ido abu ayoŋ daŋ oboŋok ikes ŋuna pei sek.

Ŋakit. 14:14

Eryamunete ŋituŋa ŋulu nyejokak ŋuna itemokinitoe aŋuna kec, eryamunete ŋituŋa ŋulu ajokak ŋuna itemokinitoe aŋuna a ŋiticisyo kec a ŋulu ajokak.

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 17:4

Ebobokinit ituŋanan ŋini itiyae aronis akipup ŋakiro ŋuna irworosi ŋituŋa ŋulu aronok, ebobokinit ŋikalyokonok apupokin ejok ŋakiro ŋuna irworosi ŋituŋa ŋulu aronok.

Ŋakit. 22:3

Epatana ŋikaosok ayenun atyonis ebunit, ido toŋopa nai erubanakinete ŋibaŋaanotin itiyaete pa eyenete atyonis ŋina ebunit, ido elomanarete locan.

Ŋakit. 27:12

Epatana ŋikaosok ayenun atyonis ebunit, ido toŋopa, nai erubakinete ŋibaŋaanotin itiyaete pa eyenete atyonis ŋina ebunit, ido elomarete locan.

Ŋakit. 4:26

Toye ejok akitiya ŋuna icamit akitiyakin, eruwor ŋuna itiyae iyoŋ daadaŋ ŋuna iyookino.

Amos 5:13

Ŋakiro ŋun iŋes ililiŋiata ŋituŋa ŋulu aosok, ŋulu itidiŋito iyes, anerae erae apaki na ŋina ka aronis.

Ŋitic. 13:7

Arae iŋes ekone ke ekepukan a Papos a ŋolo anyaritae Serugo Paulo. Arae Serugo Paulo ekile ŋolo aoson. Tonyaraiya iŋes Baranaba ka Saulo neni ayai iŋes, anerae acamit akiirar ŋakiro ŋuna ka Akuj.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 5:17

Nyibaŋaaka, nai kikatakisi ayenun ŋuna ecamit Ekapolon.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.