Ŋakit. 13:16 - Ebaibul

¹⁶ Itiyaete ŋikaosok ibore daadaŋ anapiiryanut, nai isileereunito ŋibaŋaanotin ŋuna itiyaete ikes a abaŋao kec.

Ŋakit. 13:16 Iomraidhean Croise

Ŋikiru. 112:5

Ebuni ajokis neni a ŋulu ajokak, neni a ŋulu ipotonorete ŋiboro kec emam akitac ka neni a ŋulu itiyaete ŋiticisyo kec anakiyookino.

Ŋakit. 14:33

Eyai aosou nakiro daadaŋ ŋuna etami ituŋanan ŋini eyakar ayenut, nai mam ŋakiro ŋuna ka aosou ŋuna eyenete ŋibaŋaanotin.

Ŋakit. 15:2

Ikiinakinete ŋakiro ŋuna irworosi ŋikaosok ekibure ŋolo ka aryamun aosou, nai irworosi ŋibaŋaanotin ŋakiro ŋuna erae abaŋao.

Ŋakit. 18:2

Emam ajokis aneni a ibaŋaanot aryamun ayenut nai ecamit iŋes akitoodiunit atemar eos iŋes.

Ŋakit. 21:24

Ituŋanan ŋini eturon, ŋini isupana, ŋini enyaritae ebe, “Eketuron,” erae ŋini itiyae ituro ka isupa.

Ekal. 10:13

Isyakinete ŋibaŋaanotin erwor ŋakiro ŋuna ka abaŋao, ido ekaku kirworo aronis ka ŋimasimas;

Ekal. 10:3

Tari elosete ŋibaŋaanotin alorot, nyecoikinito akisileereun atemar erae ikes ŋibaŋaanotin, isileereunito ikes neni a ŋinituŋanan atemar erae ikes ŋibaŋaanotin.

Isa. 52:13

Kiirasi, isiyookini eketiyan kaŋ etic keŋ, itopolooryo iŋes ka epoloor akilo daadaŋ.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Ŋirom. 16:19

Eirasi ŋituŋa daadaŋ epite ŋolo iwuapitotor iyes ŋakiro ŋuna ka Akuj ka alakara ayoŋ nooi ikotere iyes. Acamit ayoŋ iyes toosok, toyenete ibore ŋini ejok ka tomam ŋuna ikikamunito anakiro a ŋuna aronok.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

Ŋiep. 5:17

Nyibaŋaaka, nai kikatakisi ayenun ŋuna ecamit Ekapolon.

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”

1 Sam. 25:25

Ekelipit iyoŋ ekapolon kaŋ nyimitak ŋakiro a Nabal a etuŋanan a ŋolo aronon a ŋol. Lopite ŋolo eyakar apolou a ekiro ebe, ‘Ebaŋ.’ Itiyae iŋes ŋuna ka abaŋao. Nai ekapolon kaŋ, nyeanyuna ayoŋ aketiyan kon ŋikilyok ŋulu kiyakuunit iyoŋ.