Ŋakit. 12:5 - Ebaibul

⁵ Erae ŋakiro ŋuna etamete ŋulu iyookino ŋuna iyookino; erae ŋakiro ŋuna ikilimokinete ŋulu aronok ŋuna nyipedori akikinyom.

Ŋakit. 12:5 Iomraidhean Croise

Ŋikiru. 119:15

Atamatamae ayoŋ ŋuna a ŋikisila kon, amitakinit akiwuapit ŋuna ibala iyoŋ.

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋakit. 11:23

Ejokak ŋiboro ŋulu iitanito ŋituŋa ŋulu iyookino, nai igenosi ŋulu aronok aryamun ŋiboro ananyunyura.

Ŋakit. 12:4

Erae aberu ŋina ajokan akituro ka alelyanu aneni alokile keŋ, Erae aberu ŋina eaunit ŋileec, ikwaan ka edeke nolo nyeŋaleununui ŋolo edyaka lokile keŋ.

Ŋakit. 12:6

Erae ŋakiro ŋuna irworosi ŋulu aronok ekitoe ŋolo ikiari atipei, nai erae ŋakiro ŋuna irworosi ŋulu iyookino ŋuna elakunete ŋulu itubulitoe.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 24:9

Erae ŋuna eye ibaŋaanot ŋuna ka asecit, ido erae ŋini ejamuwarit ŋuluce ŋini esiilyana alotuŋa a daadaŋ.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Mat. 2:16

Ani eanyuni Erode atemar amodikis ŋikaosok iŋes, tonyunyurikin nooi, kiyakiya ŋisigarya keŋ Betelem ka akwap ŋin daadaŋ akiar ŋidwe ŋulusapa daadaŋ, ŋulu adolito ŋikaru kec ŋiarei ka ŋulu ariŋa ŋikaru kec nyedolo ŋiarei. Kitiya iŋes ŋun itamakina napaki ŋina kiŋitunit iŋes ejok alokaosok.

Mat. 26:4

tocamunos ikes daadaŋ amodiun Yesu, kikamuniata toara.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.