Ŋakit. 12:4 - Ebaibul

⁴ Erae aberu ŋina ajokan akituro ka alelyanu aneni alokile keŋ, Erae aberu ŋina eaunit ŋileec, ikwaan ka edeke nolo nyeŋaleununui ŋolo edyaka lokile keŋ.

Ŋakit. 12:4 Iomraidhean Croise

Ŋakit. 11:22

Ikwaan akibuses a aberu a ŋina emamukar ayenut ka ekaboboot ŋolo itiyaunitae a egolid ŋolo eyai lokume a epege.

Ŋakit. 12:5

Erae ŋakiro ŋuna etamete ŋulu iyookino ŋuna iyookino; erae ŋakiro ŋuna ikilimokinete ŋulu aronok ŋuna nyipedori akikinyom.

Ŋakit. 14:1

Edukonokini aberu ŋina aoson akai keŋ, nai eutuutoori ŋina ebaŋaana akai keŋ todaun.

Ŋakit. 14:30

Ani emam ŋakiro isicanito ŋatameta, etumi akuwan, nai ikwaan arakao ka edeke ŋolo emam ekitoe.

Ŋakit. 18:22

Ituŋanan ŋini eyakar aberu, ayakaunor ibore ŋini ajokan, ido eryamuni ajokis aneni a Ekapolon.

Ŋakit. 21:19

Ejok akiboi analoŋisat, akilo akiboi ka aberu ŋina eburan ŋina eyakar egurigur.

Ŋakit. 21:9

Ejok akiper kiŋa akai nenilapat, akilo akiper tooma akai kaapei ka aberu ŋina iburana.

Ŋakit. 30:23

aberu ŋina sek emam ituŋanan ecamit akiit, ido kiitae ekaku ka aketiyan ŋina iritari akapolon keŋ kilunyokin iŋes neni sek ayai akapolon keŋ.

Ŋakit. 31:29

“Itiyaete ŋaberu ŋuna alalak ŋiticisyo ŋulu ajokak nooi, nai itiya iyoŋ ejok nooi akilo ikes daadaŋ.”

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

1 Ŋikor. 11:11

Nai anakiyar yok alotooma Ekapolon, epol nooi ayakar ekile, nabo epol nooi ekile ayakar aberu.

1 Ŋikor. 11:7

Nyitemokino ekile akimuk akou keŋ, anerae erae iŋes etorube ka erae iŋes akitoodiunet ŋina ka apolou ka Akuj; erae nai aberu akitoodiunet ŋina ka apolou ke ekile.

Rus. 3:11

Nai tokona nakoku, nyikuryaniar. Ŋuna daadaŋ ilimuni iyoŋ etiyakini ayoŋ neni kon, anerae eyenete ŋituŋa kaŋ daadaŋ atemar irae iyoŋ aberu ŋina ajokan.