Ŋakit. 12:24 - Ebaibul

²⁴ Epedori akitiya ka agogoŋu akituruwor ituŋanan ŋini epolokinit ŋuluce, nai ituruwori akalanyo ituŋanan eketiyan a ŋuluce.

Ŋakit. 12:24 Iomraidhean Croise

Akisy. 49:15

abu Isakar kiŋolik atemar kejokyar aryamun akibois ŋina kieŋunet, ka ajok nooi akwap ŋin; aŋun, abu Isakar tokukokin akijaun egogos, toruwor epito ŋolo etiyae etic ŋolo areikinitae.

1 Ŋirw. 11:28

Arae Yeroboam ekile ŋolo apedorit akitiyaa ejok nooi. Ani iŋolikini Solomon epite ŋolo etiyaa ekile ŋol ejok nooi, abu kiwuak iŋes apolokinit ŋulu areikinitae akitiya etic ŋolo ka akai a Yosepu.

1 Ŋirw. 12:20

Ani iirarete Ŋisirael daadaŋ atemar aboŋu Yeroboam Isirael, kiyakiyasi ituŋanan anyaraun iŋes natukot a ŋituŋa ido kituruwosi iŋes erwosit ŋolo a Isirael a daadaŋ. Mam ituŋanan abu toriwo ke ekal a Daudi, mati ŋituŋa ke ekabila a Yuda make.

1 Ŋirw. 9:21

ikes ŋipiya a ŋiletok a ŋituŋa ka akwap a ŋin ŋulu kepotu Ŋisirael nyemunyasi a nen, abu Solomon toreik ŋul daadaŋ akitiya etic, ido eriŋa tari tokona ereikinitae ikes etic.

Ŋakit. 10:4

Ikiteryamunete ŋakan ŋuna ekalanyaka akulyako, nai ikiteryamunete ŋakan ŋuna itiyaka ebari.

Ŋakit. 12:27

Nyeminasi ŋikalanyanotin aryamunun ibore ŋini ecamito ikes aryamun. nai eryamununeete ŋulu itiyaete ka agogoŋu ebari ŋolo ajokan.

Ŋakit. 13:4

Eyakatar ŋikalanyanotin ekibure ŋolo apolon nooi, nai mam ibore eryamununeete, eryamuni ituŋanan ŋini itiyae ka agogoŋu ibore daadaŋ ŋini iitanit.

Ŋakit. 17:2

Epedori ipito ŋini itiyae ka aosou apolokin ikoku a ekapolon keŋ ŋini itiyae ŋakiro ŋuna a ŋileec, ido epedori akityak ka ŋidwe a ekapolon keŋ ŋiboro a ekapolon a ŋol.

Ŋakit. 19:15

Eauni akalanyo neni a ituŋanan ŋajo ŋuna apotyok, epedori akoro aŋedar ituŋanan ŋini nyitiyae.

Ŋakit. 22:13

Ebala ituŋanan ŋini ekalanyana ebe, “Eyai eŋatuny kiŋa!” kori ebala, “Akaarete ayoŋ ŋituŋa kaloma kiŋa!”

Ŋakit. 22:29

Ianyunit mono iyoŋ ituŋanan ŋini epiiryana alotic keŋ a? Eruwor ituŋanan ŋini ikoni nen ŋini itiyae neni a ŋirwosi, nyiruwor ituŋanan ŋini ikoni nen ŋini itiyae neni a ŋituŋa car.

Ŋikat. 1:28

Ani egogoŋioto Ŋisirael, apotu toreikis Ŋikanaani akitiya ŋiticisyo aŋuna kec, nai nyiritara ikes Ŋikanaani anakwap a ŋin.