Ŋakit. 12:15 - Ebaibul

¹⁵ Etamete ŋibaŋaanotin atemar iyookino ŋuna iwuapito ikes, nai iiranarete ŋikaosok ŋakiro ŋuna elimokinio atemar toesikisi, kori kitiyata.

Ŋakit. 12:15 Iomraidhean Croise

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 13:1

Emina ikoku ŋini aoson akiiranar ŋakiro ŋuna etemari papa keŋ toesik akitiya, nai nyemina eketuron acamunun aesikin ŋuna aronok ŋuna ebookoi toesik.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Ŋakit. 14:12

Eyai erot ŋolo esibit iyookino aneni a ituŋanan nai neni isalakini erot ŋol, erae natwanare.

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 16:2

Epedori ituŋanan atamakin atemar iyookino ŋakiro daadaŋ ŋuna etami iŋes, nai Ekapolon eanyuni kiyookino ŋuna etami ituŋanan.

Ŋakit. 16:25

Ŋapakio ŋace, eyakaunun ituŋanan atamakin atemar iyookino ŋuna iwuapit iŋes, nai ekaku, eyenuni ituŋanan atemar erikorito iŋes ŋun natwanare.

Ŋakit. 19:20

Tocamu ŋakiro ŋuna ajokak ŋuna ikilimokinio ka tocamu ŋakiro ŋuna ajokak ŋuna ikitatamio, ikotere iyoŋ iryamuni aosou ŋina iyarya alorwa a ŋulu alokiŋaren.

Ŋakit. 21:2

Ejokak ŋiticisyo daadaŋ anakonyen a ituŋanan a ŋini itiyae ŋiticisyo, nai Ekapolon iŋes ite ŋuna eya lotau a ituŋanan.

Ŋakit. 26:12

Iŋolikinit mono iyoŋ ituŋanan ŋini itooso anakonyen a? Ejok ibaŋaanot nooi akilo ituŋanan ŋin.

Ŋakit. 26:16

Itooso ibaŋaanot anakonyen keŋ, etami atemar iloit iŋes ŋituŋa ŋikanikaarei ŋulu elimunete ŋakiro pa imunonito.

Ŋakit. 28:11

Etami ituŋanan ŋini abaran atemar erae iŋes ŋini eos, nai itoodiunit alopitesyo keŋ ituŋanan ŋini ekulyakana atemar eos iŋes.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Ŋakit. 9:9

Kitatam ŋituŋa ŋulu aosok, eosokyoto ikes nabo nooi; kitatam ŋituŋa ŋulu iyookino, eryamunete ikes ŋuna kitiya anakiro a ŋuna itatami iyoŋ ikes.

Ekal. 4:13

Esorokit ŋolo ekulyakana nai toos, iloit erwosit ŋolo erae ekasikout nai tobaŋaana, ŋolo nyecamuni jik ŋuna ajokak ŋuna elimokinete iŋes ŋituŋa ŋuluce.

Luk. 18:11

“Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.