Ŋakit. 10:8 - Ebaibul

⁸ Ecamununuyete ŋituŋa ŋulu eosok akiwuap ŋakiciketa, nai emunaar ebaŋaanot ŋolo ecela car.

Ŋakit. 10:8 Iomraidhean Croise

Ŋikiru. 119:34

Inakinae ayoŋ ayenut, ikotere ewuapi ŋikisila kon, ewuap ikes ke etau kaŋ a daadaŋ.

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 10:10

Ituŋanan ŋini eedi ŋakonyen, eaununui ŋican, nai iŋes ŋini ikilimokini atemar toesik akitiya ŋuna aronok, eaununui ekisil.

Ŋakit. 10:14

Eryamununeete ŋikaosok aosou daadaŋ ŋina ecamito ikes, nai itaapununui erwor a ŋibaŋaanotin ŋican diyete.

Ŋakit. 12:1

Ituŋanan ŋini emina akiiranar ŋuna ebookoi toesik, emina aosou, nai ebaŋaaka ŋulu eremokino ituŋanan ŋini elimokinit ikes atemar eroko ŋuna itiyaete ikes.

Ŋakit. 12:13

Isupanarete ŋakiro ŋuna aronok ŋituŋa ŋulu aronok, nai eiunun alocan ŋituŋa ŋulu iyookino.

Ŋakit. 13:3

Ituŋanan ŋini ecoikinit ŋuna irworo iŋes eiunit akiyar keŋ, ituŋanan ŋini nyecoikinit ŋuna irworo iŋes, emunaari akiyar keŋ.

Ŋakit. 14:23

Eryamuni ituŋanan ibore ŋini eyarya erae kitiya ka agogoŋu, nai akirworo ka akituk bon tomam ibore itiyakini ikiyai nakulyako.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Ŋakit. 9:8

Akiman bon ikimani iyoŋ ituŋanan ŋini ejamuwarit ŋuluce kilimok iyoŋ iŋes aesikin ajamuwarit ŋuluce; ikiminakini iyoŋ ituŋanan ŋini aoson kilimok iyoŋ iŋes aesikin aronis.

Ŋakit. 9:9

Kitatam ŋituŋa ŋulu aosok, eosokyoto ikes nabo nooi; kitatam ŋituŋa ŋulu iyookino, eryamunete ikes ŋuna kitiya anakiro a ŋuna itatami iyoŋ ikes.

Ekal. 10:12

Itojokete ŋituŋa ŋikaosok anakiro a ŋuna irworosi ikes, nai irikar ŋibaŋaanotin anakiro a ŋuna irworosi ikes.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.