Ŋakit. 10:6 - Ebaibul

⁶ Erae ŋarereŋisyo ŋuna a ŋulu iyookino, nai iwuaito ŋulu aronok ŋakiro ŋuna ka aryenyeo anakituka kec.

Ŋakit. 10:6 Iomraidhean Croise

Esta 7:8

Ani eboŋuni erwosit alokiŋa akai ka apukan, neni emujere ŋasuban, toramakin Aman lokitaada ŋolo aperyo Esta. Tema erwosit, “Ecamit mono ekile lo tari akirat arwosit alokai kaŋ oyai ayoŋ a?” Alimuni erwosit ŋakiro ŋun bon, kimukosi ŋikolupae ereet ka Aman.

Yob 29:13

Ŋituŋa daadaŋ ŋulu a ŋipapan, apotu okogatakis ayoŋ ŋarereŋisyo, ido abu ayoŋ oinak ŋapuseru alelyan alotai kec eosi.

Ŋikiru. 107:42

Iŋolikinete ŋulu iyookino ŋakiro ŋun, tolakar, nai ani eruwor ŋulu aronok, ililiŋete totakin cek.

Ŋakit. 10:11

Erae ŋakiro a ituŋanan a ŋini iyookino eitanit ŋolo ka akiyar, nai erae ŋakiro a ituŋanan a ŋini aronon akisyakinet ŋina ka akimunonit ŋakiro ŋuna ka aryenyeo.

Ŋakit. 10:5

Ituŋanan ŋini ecuni ŋikinyom nakamu, erae ŋini eos, nai ituŋanan ŋini eperi ŋirwa ŋulu elemere, eauni ŋileec.

Ŋakit. 11:26

Icenete ŋituŋa ituŋanan ŋini iŋadae ŋikinyom akitodol ŋina iatakinotor ŋisiliŋa ŋulu egyelere, nai egatakinete ŋarereŋisyo neni a ŋini egyelanari tari pa kiyatakina ŋisiliŋa.

Ŋakit. 24:25

Nai ejokyata ŋakiro aneni a ŋulu isitakinete ituŋanan aŋuna ka asecit keŋ, eryamunete ŋituŋa ŋul ŋarereŋisyo ŋuna ajokak.

Ŋakit. 28:20

Ituŋanan ŋini eyakar anupit, eryamuni ŋarereŋisyo ŋuna alalak nooi, nai ituŋanan ŋini ibunya atemar kerae obar, nyebucar aryamun akisicanio.

Ŋakit. 3:33

Iceni Ekapolon ŋikalya a ŋulu aronok, nai iterereŋi ŋikalya a ŋulu iyookino.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Obad. 1:10

“Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Ŋikis. 28:2

Ani Kiwuapa iyes ŋakiro ŋuna ke Ekapolon Akuj kus iryamunete iyes ŋarereŋisyo nu ka eruwor ŋuna kus: