Ŋakit. 10:4 - Ebaibul

⁴ Ikiteryamunete ŋakan ŋuna ekalanyaka akulyako, nai ikiteryamunete ŋakan ŋuna itiyaka ebari.

Ŋakit. 10:4 Iomraidhean Croise

Akisy. 26:32

Akoloŋit ŋin, apotu ŋiketiyak a Isaka tolimokis Isaka ŋakiro a akare a ŋina kepotu ikes tobokut, temasi, “Aryamuni isua ŋakipi!”

Ŋakit. 10:5

Ituŋanan ŋini ecuni ŋikinyom nakamu, erae ŋini eos, nai ituŋanan ŋini eperi ŋirwa ŋulu elemere, eauni ŋileec.

Ŋakit. 11:24

Einanakinete ŋituŋa ŋice ŋiboro kec neni a ŋuluce pa etacitae, ido iatakin nabo ŋice neni kec tobara nooi; ewounitotor ŋice ŋiboro kec ainakin ŋuluce, ido eruwonor ŋituŋa ŋul ŋikulyakanotin.

Ŋakit. 12:24

Epedori akitiya ka agogoŋu akituruwor ituŋanan ŋini epolokinit ŋuluce, nai ituruwori akalanyo ituŋanan eketiyan a ŋuluce.

Ŋakit. 12:27

Nyeminasi ŋikalanyanotin aryamunun ibore ŋini ecamito ikes aryamun. nai eryamununeete ŋulu itiyaete ka agogoŋu ebari ŋolo ajokan.

Ŋakit. 13:4

Eyakatar ŋikalanyanotin ekibure ŋolo apolon nooi, nai mam ibore eryamununeete, eryamuni ituŋanan ŋini itiyae ka agogoŋu ibore daadaŋ ŋini iitanit.

Ŋakit. 18:9

Ituŋanan ŋini ejamaana alotic, erae iyenet a ituŋanan a ŋini emunaanari.

Ŋakit. 19:15

Eauni akalanyo neni a ituŋanan ŋajo ŋuna apotyok, epedori akoro aŋedar ituŋanan ŋini nyitiyae.

Ŋakit. 19:24

Etic a ituŋanan a ŋini ekalanyana akidokinit akan neni eyai akimuj, nyelemununui tari akan a nen kiwuak akimuj nakituk.

Ŋakit. 20:13

Nyimina ajot, iruwor iyoŋ ŋini a ŋican; torubak ikenyi itiyae, iryamuni iyoŋ akimuj ŋina alalan.

Ŋakit. 20:4

Nyitaete ŋikalanyanotin tari apaki ŋina emaikina kitaere, aŋun, ani elosete akilem, toŋopik ibore iŋolikinete.

Ŋakit. 21:5

Ayere ejok akitiyakin ibore, ikiinakini ebari, nai ituŋanan daadaŋ ŋini iburiburi akitiyakin ibore, eyakaun ekaku akiitanit.

Ekal. 10:18

Ani kekalanyana ituŋanan asubakin neni emunaara alokai keŋ, eritakin atoto a akai. Ani kejamaana ituŋanan agolonokin neni eorori alokidiama akai keŋ, eouni akai.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.