Ŋakit. 10:19 - Ebaibul

¹⁹ Ani kirwor iyoŋ ŋakiro ŋuna alalak, epatana iyoŋ akisec, nai ani erae kios iyoŋ, emaikina kililiŋ cek.

Ŋakit. 10:19 Iomraidhean Croise

Yob 11:2

“Emaikina mono ituŋanan kirwor ŋakiro ŋuna elalak emam aboŋokinet ka emaikina mono ituŋanan ŋini italalat ŋakiro kituruworoe ŋini iyookino a?

Ŋikiru. 39:1

Abu ayoŋ olimu ebe, “Acoikini ayoŋ alotooma ŋuna etiyae, ikotere nyasec alotooma ŋuna erworo; nyalimuni ayoŋ ŋakiro ŋadi eapiyete ŋituŋa ŋulu aronok.”

Ŋakit. 11:12

Ituŋanan ŋini ejamuwarit ŋuluce, erae ibaŋaanot, nai emina ituŋanan ŋini aoson akililiŋiyanar ŋakiro.

Ŋakit. 11:13

Emina ituŋanan ŋini irworor ŋuluce alimonor ŋakiro ŋuna nyemaikina tolimoroe, nai emina ituŋanan ŋini ikinyoma akililiŋiyanar ŋakiro ŋuna nyemaikina tolimoroe.

Ŋakit. 12:23

Eyakar ituŋanan ŋini eos ŋakiro ŋuna ka aosou lotau keŋ, nai ielunito ŋatameta a ituŋanan a ŋini ebaŋaana ŋakiro keŋ daadaŋ ŋuna ka abaŋao kiŋa.

Ŋakit. 18:21

Epedorete ŋakiro ŋuna irworo ituŋanan aiun akiyar keŋ kori amunaar akiyar keŋ, aŋun, emaikina ituŋanan tocamu ŋatyokisyo ŋuna epote neni keŋ aŋuna a erwor keŋ.

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Ekal. 5:2

Nyikirikirak akirworo, kori nyicamak etau kon kikirikirak akiikin akirot alokiŋaren Akuj, anerae eyai Akuj nakuj ka iyai iyoŋ nakwap; aŋun, emaikina ŋakiro ŋuna ilimuni iyoŋ ekudyoko.

Ekal. 5:3

Ani kiumonok iyoŋ ŋakiro ŋuna alalak, epatana iyoŋ akiruja ŋakiro ŋuna aronok ka ani kirwor iyoŋ apaki ŋina aoyan, epatana iyoŋ akirworo ŋakiro ŋuna emam apolou.

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.