Ŋakit. 1:7 - Ebaibul

⁷ Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 1:7 Iomraidhean Croise

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋakit. 1:22

“Okoe apaki ŋina etya ai iayete iyes ŋibaŋaanotin irae ŋibaŋaanotin? Apaki ŋina etya ai iayete iyes ŋulu ijamuwarito ŋuluce ilakara anajamuwarit ŋuluce? Apaki ŋina etya ai iayete iyes ŋibaŋaanotin iŋerito aosou?

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 15:33

Akitopoloorit Ekapolon, itatami ituŋanan aruwor ŋini eyakar aosou, ido emaikina mono ituŋanan erae ŋini itiditeuna bon, toryamu nai akitopolooro.

Ŋakit. 15:5

Ituŋanan ŋini ebaŋaana, ejamuwari ŋakiro ŋuna itatami papa keŋ iŋes, nai ituŋanan ŋini eesyanakini ŋuna ebookoi toesik eyakar ayenut.

Ŋakit. 18:2

Emam ajokis aneni a ibaŋaanot aryamun ayenut nai ecamit iŋes akitoodiunit atemar eos iŋes.

Ŋakit. 2:5

nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

Ŋakit. 23:9

Nyimina akirworo neni a ibaŋaanot, anerae ejamuwari iŋes ŋakiro kon ŋuna ka aosou.

Ŋakit. 9:10

Erae akitopoloorit Ekapolon akisyakinet ŋina ka aosou, erae ayenut iŋes ŋolo Asegan ayakau ka ayenut.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”