Ŋakit. 1:5 - Ebaibul

⁵ Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 1:5 Iomraidhean Croise

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Yob 34:10

“Aŋun, topupokinae ayoŋ, iyes ŋulu epatana ayenun ŋakiro, nyiryamasi ca Akuj ka akitiya ŋuna aronok, nyiryamasi ca Akuj ŋina etiron ka akitiya ŋuna nyiyookino,

Yob 34:16

“Ani kiyakatar iyes ayenut, kiirasi ŋakiro nu; topupokisi ŋakiro ŋuna erworo ayoŋ.

Yob 34:2

“Kiirasi ŋakiro kaŋ, iyes ŋikilyok lu ŋulu aosok, topupokinae ayoŋ, iyes ŋikilyok lu ŋulu iyenete ŋakiro.

Yob 34:34

Ŋinituŋanan eyakar aosou akalimokini ayoŋ ka ŋinituŋanan ŋini eos ŋini epupi ŋakiro kaŋ etemari,

Ŋakit. 12:1

Ituŋanan ŋini emina akiiranar ŋuna ebookoi toesik, emina aosou, nai ebaŋaaka ŋulu eremokino ituŋanan ŋini elimokinit ikes atemar eroko ŋuna itiyaete ikes.

Ŋakit. 14:6

Epedori ituŋanan ŋini ejamuwarit ŋuluce akiwarit aosou, ido nyeryamuni, nai epatana aosou abunore neni a ŋini eyakar ayenut.

Ŋakit. 18:15

Epedori ituŋanan ŋini apiiryanan aryamun aosou, ido iwarit ituŋanan ŋini eos akiirar ŋakiro ŋuna ka aosou.

Ŋakit. 19:25

Emaikina kisicanae ituŋanan ŋini iturono, ikotere nai ŋibaŋaanotin eyenunete ŋuna kitiya. Ani kisicani ŋikaosok, iirarete ka eyenunete ŋace ŋuna ka aosou.

Ŋakit. 21:11

Ani isicanio ituŋanan ŋini sek ejamuwarit ŋuluce, eosyokioto ŋibaŋaanotin ejoŋoete akitiya ŋuna ka abaŋao, ani kitatami ituŋanan ŋini sek eos, iatakin aosou aneni keŋ.

Ŋakit. 8:33

Topupokisi ŋakiro ŋuna eketatami ayoŋ iyes ka toosok, nyijamakis ŋakiro ŋun.

Ŋakit. 9:8

Akiman bon ikimani iyoŋ ituŋanan ŋini ejamuwarit ŋuluce kilimok iyoŋ iŋes aesikin ajamuwarit ŋuluce; ikiminakini iyoŋ ituŋanan ŋini aoson kilimok iyoŋ iŋes aesikin aronis.

Ŋakit. 9:9

Kitatam ŋituŋa ŋulu aosok, eosokyoto ikes nabo nooi; kitatam ŋituŋa ŋulu iyookino, eryamunete ikes ŋuna kitiya anakiro a ŋuna itatami iyoŋ ikes.

Ekal. 9:11

Adau nabo ayoŋ akiŋolikin ibore ice anakwap a na; ibore ŋin iŋes en, meere ekapiranan iloununui ŋuluce anakerit, kori meere ekagogoŋon iloununui alojie, meere ekaoson eyakar akimuj ŋina alalan, meere ekapiiryanan eyakar abaru, meere ŋulu eyenete akitiya ŋiboro eryamunete ajokis, nai icwanyanakin ŋun lotuŋa daadaŋ a ŋinapaki.

1 Ŋikor. 10:15

Erworo ayoŋ neni kus iraakasi ŋituŋa ŋulu iosok, totamatamata mono iyes ŋakiro ŋuna erworo ayoŋ.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”