Ŋakit. 1:31 - Ebaibul

³¹ ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 1:31 Iomraidhean Croise

Yob 4:8

Lopite ŋolo eŋolikinia ayoŋ, eyakasi ŋituŋa ŋulu etiŋiyara anakitiya aronis lopite ŋolo etiŋiyaror ituŋanan anakitare ka eyakasi ŋulu a ŋican, eryamunete ŋituŋa ŋul aronis ka ŋican pei.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Ŋakit. 12:14

Eryamuni ituŋanan ŋiboro ŋulu ajokak anakiro a ŋuna irworo iŋes, lopite ŋolo itiyaunere a ŋakan ibore ŋini ecamitae aryamun.

Ŋakit. 13:2

Eryamuni ituŋanan ŋiboro ŋulu ajokak anajokis a ŋakiro a ŋuna irworo iŋes, nai erae akiitanit a ŋulu nyikinyomitae ŋinakitiyaet ŋuna nyiyookino.

Ŋakit. 14:14

Eryamunete ŋituŋa ŋulu nyejokak ŋuna itemokinitoe aŋuna kec, eryamunete ŋituŋa ŋulu ajokak ŋuna itemokinitoe aŋuna a ŋiticisyo kec a ŋulu ajokak.

Ŋakit. 22:8

Ani kitiyae ituŋanan ŋakiro ŋuna nyiyookino, elomunete ŋican anakiro a ŋun, ido itasalunete ŋatyokisyo ŋun ŋakiro ŋuna isicanitor ituŋanan ŋin ŋuluce.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Ŋakit. 5:23

Etwakete ikes, anerae nyiyokuuno ikes make, ido aŋuna ka abaŋao kec a ŋina apolon, aoliyosi ikes.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Isa. 66:4

ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Yer. 14:16

Tosodi ŋituŋa daadaŋ ŋulu edwarete ikes ŋakiro kec, imasaryo kiŋa lorotin ŋulu a Yerusalem, erae ŋulu earit akoro ka ekileŋ, emamukaun ituŋanan ŋini enuki ikes, itiyakin ŋakiro ŋun neni kec a daadaŋ ka neni a ŋaberu kec neni a ŋidwe kec a ŋulusapa ta neni a ŋidwe kec a ŋulupesur, anerae esitiyae ayoŋ aronis kec akisicania ikes.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”