Neem. 9:6 - Ebaibul

⁶ Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Neem. 9:6 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 1:9

Tema Akuj, “Tocunakinos nakibois apei ŋakipi daadaŋ ŋuna eyakasi kwap ariwo, ido totakanu akwap neni aonon.” Apotu ŋun kitiyakin.

Akisy. 2:1

Kirikakin akisub kidiama, akwap ka ŋinibore daadaŋ ŋini eyai neni kec.

Akisy. 32:2

ani iŋolikini Yakob ŋimalaikan tema, “Erae na ajore ŋina ka Akuj!” Aŋun, tolimok iŋes ekiro a akibois a ŋin Makanaim.

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

2 Ŋirw. 19:15

Kilip Esekia neni ke Ekapolon tema, “Okoe Ekapolon ŋolo irae Akuj a Ŋisirael. Iyoŋ ŋolo iboi alokicoloŋ a ŋolo alokidiŋ Ŋikerubim. Iyoŋ bon irae Akuj a ŋakwapin a daadaŋ. Iyoŋ ibu tosub nakuj ka akwap.

2 Ŋirw. 19:19

Tokona Ekapolon, iyoŋ ŋolo irae Akuj kosi, tolakunae isua aneni a Senakerib, ikotere toyenut ŋakwapin a daadaŋ atemar iyoŋ bon irae Akuj.”

Neem. 9:5

Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 103:21

Kipuro Ekapolon, iyes daadaŋ ŋajorei ŋuna anakuj, iyes ŋiketiyak ŋulu ke Ekapolon ŋulu itiyaete ŋuna ecamit iŋes.

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Ŋikiru. 124:8

Eyai akiŋarakino yok neni ke Ekapolon a ŋolo asubi nakuj ka akwap.

Ŋikiru. 146:6

a ŋina abu tosub nakuj ka akwap, anam ka ibore daadaŋ ŋini eyai tooma kec, Akuj ŋina erae akikinyoma keŋ ŋina a ŋikaru ka ŋikaru.

Ŋikiru. 24:10

Ŋae mono Erwosit ŋolo apolon nooi ŋol? Erae Ekapolon ŋolo a ŋajoresyo, erwosit ŋolo apolon nooi.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋikiru. 36:6

Ikwaan akiyookino kon itiirae ka ŋimoru ŋulu itiiraete, ikwaan akiyookino kon ŋina itubio iyoŋ ŋakiro epol ka alalau a ŋakipi aloburi a ŋolo ka anam. Okoe Ekapolon iununui iyoŋ ŋituŋa ka ŋityaŋ pa ityakatyakat.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Isa. 37:16

“Okoe Ekapolon ŋolo a ŋajoresyo, Akuj a Isirael, iyoŋ ŋina iyai kidiama ŋisubuna ŋulu a ŋabebenuk, irae iyoŋ Akuj, iyoŋ bon irae Akuj anakwapin a daadaŋ anakwap.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Yona 1:9

Toboŋok Yona tema, “Arae ayoŋ Eburaniyat, etopoloorit ayoŋ Ekapolon Akuj ŋina eyai nakuj, ŋina abu tosub anam ka akwap.”

Yoa. 10:30

Ikirae ayoŋ ka Papa ŋipei.”

Ŋitic. 4:24

Ani iirarete ikes ŋakiro ŋun, kikeut daadaŋ ŋitoilon kec kaapei, kilipa neni ka Akuj temasi, “Ekapolon ka ekasuban nakuj, akwap ka anam ta ŋinibore eyai tooma kec daadaŋ!

Ŋikis. 10:14

Tari kerae nakuj ka kidiama daadaŋ ka akwap ta ŋiboro daadaŋ ŋulu eya nen ŋulu a Ekapolon Akuj kus,

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋikis. 6:4

Kiirasi, okoe Ŋisirael, Ekapolon Akuj yok iŋes bon erae Ekapolon.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 1:6

Nabo, ani eapuuni Akuj akiyakuun Lokoku keŋ ŋolo kiyae nakwap, abu tolimu tema, “Itemokino ŋimalaikan ŋulu ka Akuj daadaŋ toryediko kipuro iŋes.”

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”