Neem. 9:5 - Ebaibul

⁵ Kirworikis nai ŋilepi Yesua, Kadimel, Bani, Asabineia, Serabia, Odia, Sebania ka Pesaia temasi, “Tonyoutu, kipuro Ekapolon Akuj kus ŋikaru ka ŋikaru. Kipuroe ekiro kon ŋolo itopolooritae, ŋolo itopolooritae alokidiama akilo akitopoloorit daadaŋ ka akipuro daadaŋ.”

Neem. 9:5 Iomraidhean Croise

1 Ŋirw. 8:14

Kiŋoliya nai erwosit lowae ŋolo aya ŋituŋa, kiterereŋ iŋes ŋituŋa a Isirael daadaŋ; apaki ŋin, awuasi ŋituŋa daadaŋ.

1 Ŋirw. 8:15

Tema erwosit, “Kipuroe Ekapolon, Akuj a Ŋisirael, ŋina esiyook anapedor keŋ ŋuna abu kiik neni a papa kaŋ a Daudi ebala,

1 Ŋirw. 8:22

Towo nai Solomon alokiŋaren Namuroet ŋina ke Ekapolon iteete ŋituŋa a Isirael daadaŋ, kikyaa ŋakan keŋ topeta.

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

1 Ŋakiro a ŋirwa 16:36

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru.” Apotu nai ŋituŋa daadaŋ temasi, “Amen,” ido apotu kipuro Ekapolon.

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

1 Ŋakiro a ŋirwa 29:13

Akuj kosi, ikilakar tokona isua neni kon, ikipuri apolou ŋina ke ekiro kon.

1 Ŋakiro a ŋirwa 29:20

Tema nai Daudi neni ka atukot a daadaŋ, “Kipuro Ekapolon Akuj kus.” Aŋun, apotu ŋituŋa daadaŋ kipuro Ekapolon, Akuj atapapaa kec; apotu kijuuroto, toryediko itopoloorito Ekapolon ka erwosit daŋ.

2 Ŋakiro a ŋirwa 20:13

Apaki ŋin, awuasi ŋikilyok ŋulu a Yudaya daadaŋ ka ŋaberu kec ta ŋidwe kec alokiŋaren Ekapolon.

2 Ŋakiro a ŋirwa 20:19

Tonyout ŋilepi ŋice ŋulu ka ateker a Koas ka ŋulu ka ateker a Kora, kipuro Ekapolon Akuj a Ŋisirael ecelasi nooi.

Esir 3:11

Aeosi ikes eboŋonokin ipurosi ka elakara neni a Ekapolon ebasi, “Ejok Ekapolon, erae amina keŋ ŋina nyiryaŋiryaŋa ŋina a ŋikaru ka ŋikaru aneni a Ŋisirael.” Aboŋonokinete ŋituŋa ŋuluce a ecelet a ŋolo apolon, apaki ŋina epurotor ikes Ekapolon, anerae aponi todukokinae akisyakinet ŋina ka Akai ke Ekapolon.

Neem. 9:4

Apotu nai Yesua, Bani, Kadimel, Sebania, Buni, Serebia, Bani ka Kenani towua anadoketa a ŋilepi kiworout a ŋitoilon a ŋulu apolok neni ke Ekapolon Akuj kec.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Ŋikiru. 106:2

Ŋae epedori akisera ŋiticisyo ke Ekapolon ŋulu ka aumokin, kori akipuro iŋes ejok nooi?

Ŋikiru. 134:1

Potu, kipuro Ekapolon, iyes ŋiketiyak ŋulu ke Ekapolon daadaŋ, kipuro iŋes, iyes ŋulu itiyaete nakwaare alo Kai keŋ.

Ŋikiru. 145:2

Ekepuri ayoŋ iyoŋ a ŋinakoloŋit; epuri ayoŋ ekiro kon ŋikaru ka ŋikaru.

Ŋikiru. 145:5

Atamatamae ayoŋ akibuses ŋina ka apolou kon a ŋina ailiilon, ido atamatamae ayoŋ ŋuna a ŋiticisyo kon a ŋulu ka aumokin.

Ŋikiru. 146:2

Epuri ayoŋ Ekapolon alorwa a ŋulu ka akiyar kaŋ a daadaŋ. aeikini ayoŋ ŋikipurisyo neni ka Akuj kaŋ ŋirwa ŋulu ka akiyar kaŋ daadaŋ.

Ŋikiru. 16:2

Abala ayoŋ neni ke Ekapolon, “Irae iyoŋ Ekapolon kaŋ, emam ibore ejok aneni kaŋ mati iyoŋ bon.”

Ŋikiru. 66:2

Toeikisi itopoloorito ekiro keŋ. Kitopoloosi ka kipuro iŋes.

Ŋikiru. 99:3

Emaikina ŋituŋa kipuro ekiro kon ŋolo apolon nooi ŋolo ailiilon. Erae iŋes ŋolo Eseg!

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Dan. 2:20

Tema Daniel, “Kipuroe ekiro a Akuj ŋikaru ka ŋikaru, anerae aosou ka apedor erae ŋuna keŋ.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”