Neem. 9:35 - Ebaibul

³⁵ Tari anapukan kec ka anajokis a ŋina apolon a ŋina ibu iyoŋ kitiya neni kec ka anakwap a ŋina alalan a ŋina ajokan a ŋalup a ŋina ibu iyoŋ inak ikes, nyitiyanakina ikes iyoŋ ka nyimyekina ikes akitiya aronis.

Neem. 9:35 Iomraidhean Croise

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Neem. 9:34

nyiwuapa ŋirwosi kosi, ŋikepukak kosi, ŋisacaradotin kosi ka atapapaa kosi ŋikisila kon, nyiwuapa ikes tari ŋakiciketa kon ka ŋakiro ŋuna ilimokinit iyoŋ ikes akimyekin akitiya.

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Yer. 5:19

ido ani etemarete ŋituŋa kus ebe, ‘Kaanukiro etiyaa Ekapolon neni kus ŋakiro nu daadaŋ?’ Ilimokinete iyes ikes ebe, ‘Ikwapei ikiesikiniata iyes ayoŋ, ido aruwor ŋakujo ŋunagelae itiyanakinete iyes anakwap kus, ikwaŋinapei, ipote iyes akitiyanakin ŋituŋa ŋulugelae anakwap a ŋina erae meere ŋina kus.’ ”

Esek. 5:6

Nai aŋero ŋituŋa keŋ akiwuap ŋuna atubunit ayoŋ ka aŋero akiwuap Ŋikisila kaŋ, aruwor ikes ŋulu eroko nooi akilo ŋulu a ŋakwapin a ŋunace, aŋero ikes akiwuap ayoŋ, aroketa ikes akilo tari ŋulu a ŋakwapin a ŋuna eya nawaetin kec, aŋero ikes ŋuna atubunit ayoŋ, awout akiwuap Ŋikisila kaŋ.

Ŋikis. 28:47

“Aŋuna pa itiyanakiniata iyes Ekapolon Akuj kus ka alelyanu ka alakara a ŋitai aŋuna ka ajokis a daadaŋ a ŋina abu iŋes ikiinak iyes,

Ŋikis. 28:48

a ŋakiro a ŋun, ipote iyes akitiyanakin ŋimoe kus ŋulu ebuni Ekapolon ikiyakuun akitijikin iyes, itiyanakinete iyes ikes ikinyamit akoro ka akure, ilerete ka imamukatar ibore idio. Ikisicani iyes Ekapolon tari ŋina ikimunyarya.

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”