Neem. 9:30 - Ebaibul

³⁰ Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Neem. 9:30 Iomraidhean Croise

2 Ŋirw. 18:11

Kikama erwosit ŋolo ka Asiriya Ŋisirael torik ya Asiriya. Abu kitolomu ikes ŋice lotaun ŋolo enyaritae Ala, ŋice diyete aŋolol Abor, anakwap a Gosan ka ŋice lotaunio a Media.

2 Ŋirw. 21:10

Tolimu Ekapolon ŋakiro alokadwarak a ŋulu arae ŋiketiyak keŋ tema,

2 Ŋakiro a ŋirwa 24:19

Abu Ekapolon kiyakianak ikes ŋikadwarak akinyakun ikes neni a Ekapolon; apotu ŋikadwarak tolimonokis ikes ŋakiro ŋuna asecito ikes, nai apotu nyiirasi.

Esir 9:10

“Tosodi tokona, okoe Akuj kosi, anukiro ikilimuni isua ekaku a ŋakiro a ŋun? Anerae aŋeri isua ŋakiciketa kon

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 95:10

Ŋikaru ŋatomoniomwon, abu ayoŋ oŋer ŋituŋa a anyamet a ŋin, abu otema, ‘Okoe, erae ikes ŋituŋa ŋulu nyepupete ŋakiro! Ewounito akiwuap ŋakiro kaŋ.’

Isa. 28:10

Ikitatami iŋes iwon ŋikisila ka ŋikisila, ŋikisila ka ŋikisila, elain a ŋakiro epei ka ŋoloce, elain a ŋakiro epei ka ŋoloce, ŋadi a ne, ŋadi ka ama.”

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Isa. 48:9

“Aŋuna a ekiro kaŋ, nyaŋoi ayoŋ atipei, aŋuna ka akipuro ayoŋ, nyayauni ayoŋ anyunyura kaŋ neni kus, ikotere nyakamunya ayoŋ iyes.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 25:4

Tari ŋina arubakinitor Ekapolon ikiyakiyanakini iyes ŋiketiyak keŋ ŋikadwarak nyiirara iyes, kori nyepupokina daŋ,

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Yer. 44:5

Nai apotu ikes nyiirasi ŋakiro a ŋikadwarak kaŋ, nyepupokina daŋ ŋuna erworosi ikes, apotu nyimyekis ŋiticisyo kec ŋulu aronok ka ainanakin ŋainakineta neni a ŋakujo a ŋace.

Yer. 7:25

Ameun anakoloŋit a ŋina aponiata atapapaa kus anakwap a Ijipit akitodol nakoloŋit na, abu ayoŋ eyakiyanak ikes jik ŋiketiyak kaŋ ŋikadwarak daadaŋ, abu ayoŋ eyakiyanak ikes ŋikadwarak aŋinakoloŋit,

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Sakar 7:12

Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Sakar 7:13

Ikwapei aponiata ikes nyiirasi ŋakiro kaŋ apaki ŋina erworor ayoŋ, abu ayoŋ daŋ nyaboŋok ŋakiro kec apaki ŋina elipatar.

Ekim. 11:26

Apaki ŋin kidoŋito ŋikasikou ŋiarei nalomar, anyaritae epei Elidad ka ŋoloce Medad, abu etau min neni kec daŋ, anerae emarakinitae ikes daŋ lokasikou ŋulutomonikanikaarei, nai pa alosito ikes loeema, ŋolokilipet, aŋun apotu ikes todwara analomar.

Ŋitic. 13:18

Todaŋ iŋes ikes ŋikaru ŋatomoniomwon analoŋisat.

Ŋitic. 28:25

Aŋun, torotokis ikes imocoete make, kedau Paulo alimun ebe, “Alimunit Etau ŋolo Asegan ejok neni atapapaa kus alorwor a ŋolo ke ekadwaran Isaya;

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

1 Pet. 1:11

Apotu ikes kikatakis ayenun apaki ŋina itiyakinotor ŋakiro nu ka epite ŋolo eponiata. Apaki ŋin, iŋes etoodikinit ikes Etau ŋolo a Kristo, ŋolo ayai tooma kec atemar etitinyikini Kristo ŋican, nai ekaku eryamuni apolou.

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.