Neem. 9:29 - Ebaibul

²⁹ Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Neem. 9:29 Iomraidhean Croise

2 Ŋirw. 17:13

Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

2 Ŋakiro a ŋirwa 24:19

Abu Ekapolon kiyakianak ikes ŋikadwarak akinyakun ikes neni a Ekapolon; apotu ŋikadwarak tolimonokis ikes ŋakiro ŋuna asecito ikes, nai apotu nyiirasi.

2 Ŋakiro a ŋirwa 33:10

Abu Ekapolon kirwor neni a Manase ka ŋituŋa keŋ, nai apotu ikes nyecamut ŋuna erworo Ekapolon.

2 Ŋakiro a ŋirwa 36:15

Abu Ekapolon Akuj atapapaa a ŋituŋa a Yudaya ka Yerusalem torubak iyakiyanari ŋikadwarak akisirworiun ŋituŋa a Yudaya ka Yerusalem, anerae esyonit Akuj ikes kaapei ka Akai keŋ.

Neem. 13:15

Alorwa a ŋul, abu ayoŋ eŋolik alo Yudaya ŋituŋa ecuyete epiini akoloŋit ŋina a Sabato, eyaununeete Yerusalem ŋaeneta a ŋikinyom ka idokonokinete losigirya kec ayaununeete daŋ ikes Yerusalem akoloŋit ŋina a Sabato epiini, ŋaraito a epiini, ŋaboboryo ka ŋiboro ca daadaŋ. Abu ayoŋ olimok ikes nyegyelanasi akimuj akoloŋit ŋin.

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Yer. 17:23

Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 42:19

Okoe ŋipiya a ŋituŋa a Yudaya, ikilimok iyes Ekapolon atemar nyilot Ijipit. Toyenete atemar akalimok ayoŋ iyes ŋakiro ŋun nakoloŋit na,

Yer. 43:2

toloto Asaria lokoku a Osaia ka Yoanan lokoku a Karea ta ŋituŋa ŋulu aosok daadaŋ tolimokis Yeremia temasi, “Irworo iyoŋ alyokonu. Nyiyakuuna Ekapolon iyoŋ alimokin isua ebe, ‘Nyiloto Ijipit kiboiyoto a ina;’

Yer. 44:10

Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Ŋilep. 18:5

Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

Mat. 19:17

Toboŋok Yesu iŋes tema, “Nyo ikiŋisitor iyoŋ ayoŋ ibore ŋini ajokan? Eyai epei bon ŋolo ejok. Ani kicamit iyoŋ alomar nakiyar, kiric Ŋakiciketa.”

Luk. 10:28

Toboŋok Yesu iŋes tema, “Ilimu iyoŋ ŋuna iyookino, kitiya ŋun, ido toyar.”

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋigal. 3:12

Nai emam ŋuna a Ŋikisila ŋuna etapito anupit, ikwapei ebaakatar Ŋakigireta ebe, “Erae akitiya daadaŋ ŋuna ecamito Ŋikisila epedorya ituŋanan akiyar”.

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Ŋikis. 31:27

anerae ayeni ayoŋ nooi atemar irae iyes ŋituŋa ŋulu aŋerok ka ŋulu esyaak. Ani nai ŋina sek iŋereneneoto iyes Ekapolon eriŋa ayoŋ ayari ka ikirukit ka iyes, alipite moi iŋeryoto iyes Ekapolon atwani ayoŋ!

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”