Neem. 9:25 - Ebaibul

²⁵ Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Neem. 9:25 Iomraidhean Croise

1 Ŋirw. 14:9

Itiya iyoŋ ŋuna aronok, akilo ŋituŋa daadaŋ ŋulu ke ekiŋaren. Itiyau iyoŋ aŋuna kon ŋakujo ŋace, ŋakujo ŋuna itiyaunitae a ŋasuwa; ikitoŋoo iyoŋ ayoŋ ka ikimana kaku kon.

1 Ŋirw. 8:66

Ani epete ŋirwa ŋitomon ka ŋikan, tolimok Solomon ŋituŋa kielaros toloto. Kiterereŋo ŋituŋa erwosit, ido toloto lorerya elelyanete ka elakara alotai kec aŋuna ajokak a daadaŋ a ŋuna etiya Ekapolon neni a Daudi a eketiyan keŋ ka neni a Ŋisirael a ŋituŋa keŋ.

Neem. 9:35

Tari anapukan kec ka anajokis a ŋina apolon a ŋina ibu iyoŋ kitiya neni kec ka anakwap a ŋina alalan a ŋina ajokan a ŋalup a ŋina ibu iyoŋ inak ikes, nyitiyanakina ikes iyoŋ ka nyimyekina ikes akitiya aronis.

Ŋikiru. 105:44

Abu Akuj inak ikes ŋakwapin a ŋituŋa a ŋice, apotu ikes kituruwosi ebari a ŋituŋa a ŋulu sek keya nen ŋolo kec.

Ŋikiru. 65:11

Ikiinanakini iyoŋ isua ajakao ŋina alalan, ekaku ka akilem, eyai ajakao neni daadaŋ itori iyoŋ.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Isa. 63:7

Atamuni ayoŋ ŋiticisyo a Ekapolon kaŋ ŋulu ajokak, ŋiticisyo keŋ ŋulu emaikina kipurore iŋes. aŋuna a ŋiticisyo a daadaŋ a ŋulu etiya iŋes aŋuna yok ka ajokis ŋina apolon nooi ŋina etoodik iŋes Ŋisirael, ŋina etoodikinia iŋes ikes akisyon keŋ, alotooma amina keŋ ŋina alalan ŋina nyiryaŋiryaŋa.

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 31:14

Ainakini ayoŋ ŋisacaradotin akimuj ŋina ajokan ka ŋina alalan, imwokete ŋituŋa kaŋ a ibore a daadaŋ a ŋini iitanito.”

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Dan. 11:24

Ebuni iŋes pa eyenio kikama ŋakiboisyo ŋuna elal abaru anakwap, ido itiyae iŋes ŋuna nyitiya idio a ŋulu abu iŋes kilunyokin lorot kec. Ekorakini iŋes ŋirukitos keŋ ŋiboro ka abaru daadaŋ ŋina eŋatunitae alojie. Eyeuni iŋes epite ŋolo emunaarya ŋaduketa ŋunajiet, nai nyerubakini iŋes eye ŋun.

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

Ŋikis. 3:5

Arae ŋul daadaŋ ŋitaunio ŋulu adukitoe ŋaduketa ŋunajiet ka awuatae a ŋarwatatain ŋuna aoyak, ayakatar ŋipukei ŋulu agolyo a ŋigolyata a ŋiarei ka ŋasuwa ŋuna elorere ŋipukei, aponi daŋ iwon kikamarae ŋirerya ŋulu alalak.

Ŋikis. 32:13

Abu Ekapolon inak ikes kipukata anakibois a ŋina aoyan, kitanu ikes a ŋikinyom a ŋimanikorin, kitopolou ikes a ao a ŋina ayai natabab ka a akimyet a ŋina a ayai natabab ŋuna idokok.

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.