Neem. 9:24 - Ebaibul

²⁴ Aŋun, apotu ŋiletok kec tolomasi nakwap ŋin kituruwosi ŋina kec, ido ibu iyoŋ kilou alokiŋaren kec ŋituŋa ŋulu eboiyete anakwap a ŋin ikes Ŋikanaani, ibu iyoŋ ikiwuak Ŋikanaani napedor kec kaapei ka ŋirwosi ta ŋituŋa ka akwap a ŋin, ikotere itiyaete Ŋikanaani neni a Ŋisirael ŋuna italakarito Ŋisirael.

Neem. 9:24 Iomraidhean Croise

1 Ŋakiro a ŋirwa 22:18

“Nyirukito mono iyes ke Ekapolon Akuj kus a? Nyeinakina mono iŋes iyes akieŋar ejie alowaetin a daadaŋ a? Akainaki iŋes ayoŋ akipuka ŋituŋa ka akwap a na, ido aruwor akwap na ŋina ke Ekapolon ka ŋina a ŋituŋa keŋ.

Esta 9:5

Aŋun, apotu Ŋiyudayan kitijioto ŋulu emanito ikes, toara a ŋatumio. Toŋola ka tomunyasi ikes, ido kitiyata ŋuna etalakarito ikes neni a ŋulu emanito ikes.

Ekim. 14:31

Nai ŋidwe kus ŋulu sek ibasi iyes eŋataryo, etolomari ayoŋ ikes nakwap ŋin, edolete ikes nakwap ŋina ijamuwarito iyes.

2 Tim. 2:26

Eosunete nai ikes ŋilopeyek, tolomut anauno a ŋina a Satan, a ŋolo abu kikamu ikes ka ŋolo abu kituruwo ikes ŋulu iwuapito acamit keŋ.

Yos. 10:40

Abu Yosua toreu akwap ŋin daadaŋ. Toreu ŋirwosi ŋulu aya nakwap ŋina a ŋikamukumukui ka ŋulu aya nadipoe a ŋikamukumukui alowae a ŋolo alo Kide ka To ta ŋulu aya naloŋisat lowae ŋolo alo Kwap. Mam ituŋanan ŋini abu iŋes toesik eyari, aponi ŋituŋa daadaŋ toarae lopite ŋolo sek alimunitor Ekapolon ŋolo erae Akuj a Ŋisirael.

Yos. 11:23

Abu Yosua kikama akwap daadaŋ lopite ŋolo ecikitor Ekapolon Moses. Inak Yosua akwap ŋin neni a Ŋisirael toruwor ŋina kec, totyakatyaka, inak ŋolokabila akwap keŋ. Todaun nai ejie, kieŋa akwap ŋin.

Yos. 12:12

erwosit ŋolo a Egilon, erwosit ŋolo a Geser,

Yos. 12:24

erwosit ŋolo a Tirisa. Arae ekimar a ŋirwosi a ŋul daadaŋ ŋatomoniuni ka epei.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 21:45

Mam akirot apei daŋ ŋina ajokan ŋina abu Ekapolon kiik Ŋisirael ŋina abu nyiyookin. Apotu ŋakiro daadaŋ kiyookinos.

Ŋikat. 4:23

Aŋun, abu Ekapolon akoloŋit ŋin inak Ŋisirael akiloun erwosit Yabin ŋolo a Kanaan.