Neem. 9:23 - Ebaibul

²³ Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Neem. 9:23 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 15:5

Kitolomu Ekapolon Aburam kiŋa tema, “Kirereiyo kidiama, kimar ŋikacer erae kipedori akimar ikes.” Tolimok Ekapolon Aburam tema, “Elalata ŋiletok kon ikwa ŋikacer.”

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 22:17

eketerereŋi ayoŋ iyoŋ kire jik, ido akainakini ayoŋ iyoŋ kire jik ŋipapae ŋulu alalak ikwa ŋikacer alokidiama ka elalata ikwa asinyon alokipetot a anam. Ikamarete ŋiletok kon ŋitaunio daadaŋ a ŋimoe kec,

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

1 Ŋakiro a ŋirwa 27:23

Abu Daudi nyimar ŋikilyok ŋulu arae ŋikaru kec ŋatomoniarei ka ŋulu pa adolito ŋikaru kec ŋatomoniarei, anerae aris Ekapolon kiik akitalalaun Ŋisirael tolalaar ekimar kec ikwa ŋikacer.

Awos. 1:12

Nai tari daŋ ŋina esicanitere Ŋisirael, apotu topitut nooi kielakin nakwap a Ijipit, ido apotu Ŋijipitian tokuryaketa nooi aŋuna a Ŋisirael.

Awos. 1:7

Nai apitaka Ŋisirael, ido apotu topitut nooi, toruworos ŋituŋa ŋulu alalak, kilelebunos nakwap a Ijipit.

Ŋikis. 28:62

Tari sek kilalak iyes nooi ikwa ŋikacer ŋulu alokidiama, idoŋete iyes ikudyoko, anerae nyiwuapa iyes ŋakiro ŋuna ke Ekapolon Akuj kus.