Neem. 9:14 - Ebaibul

¹⁴ ibu kiteyenik ikes Sabato kon ŋina asegan, ido iinak ikes ŋakiciketa, ŋakiro ŋuna etubunitoe ka ŋikisila aneni a eketiyan kon Moses.

Neem. 9:14 Iomraidhean Croise

Akisy. 2:3

Kiterereŋ Akuj akoloŋit ŋina a ŋakanikaarei kitesegu, anerae akoloŋit ŋin, abu iŋes kieŋu alotic keŋ a daadaŋ a ŋolo a akisub.

Neem. 1:8

Totamu ŋakiro ŋuna ibu iyoŋ kicik eketiyan kon Moses ibala, ‘Ani pa kiwuapa iyes ŋakiro kaŋ ekeelari ayoŋ iyes nakwapin a ŋituŋa;

Neem. 10:32

Ikicamu daŋ isua atacenen a ŋolokaru atutubet apei alotooma ŋiuni a ecekel aŋuna ke etic a ŋolo ka Akai ka Akuj

Awos. 16:23

tema Moses neni kec, “Ŋakiro nu ikes ikicik iyes Ekapolon ebe, ‘Erae moi taparacu akoloŋit ŋina nyemaikina idiotuŋanan kitiya ediotic, erae akoloŋit ŋina asegan ŋina ke Ekapolon, ŋina enyaritae Sabato. Kipoto ŋamugati ka ŋinibore daadaŋ icamito iyes akipore. Akimuj daadaŋ ŋina ipoete, ido nyimuji, emaikina iyes kiŋadaasi akitodol moi taparacu.’ ”

Awos. 16:29

Toyenutu nu atemar, adau Ekapolon ainakin iyes akoloŋit ŋina a Sabato akieŋunia. Ŋakiro ŋun nai abunio iŋes ikiinak iyes akimuj ŋina a ŋirwa a ŋiarei akoloŋit ŋina a ŋakanikapei. Emaikina ŋinituŋanan kieŋu akoloŋit ŋina a ŋakanikaarei aneni iboiyo, mam ituŋanan emaikina toloma kiŋa.”

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Esek. 20:11

Abu ayoŋ oinak ikes a nen ŋakiro ŋuna abala kiwuapa ka abu eteyenik ikes ŋikisila kaŋ, anerae ituŋanan ŋini iwuapit ikes, iteyarete ikes iŋes.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Ŋilep. 27:34

Erae ŋun ŋakiciketa ŋuna abu Ekapolon inak neni a Moses alomoru Sinai aŋuna a Ŋisirael.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Ŋikis. 4:45

Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikis. 5:31

Nai iyoŋ, towo a ne alodiyete kaŋ, tosodi akalimokini ayoŋ iyoŋ ŋakiciketa daadaŋ, ŋakiro ŋuna etubunitoe ka ŋikisila ŋulu emaikina iyoŋ kitatam ikes, ikotere iwuapete ikes anakwap a ŋina ainakini ayoŋ ikes toruwor ŋina kec.”