Neem. 9:12 - Ebaibul

¹² Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Neem. 9:12 Iomraidhean Croise

Neem. 9:19

ibu iyoŋ anakisyon kon a ŋina apolon nyimyek ikes analoŋisat, abu adis ŋina eŋarenikinit ikes alorot naparan nyimyek ikes, tari arira ŋina eŋarenikinit ikes nakwaare alorot, abu nyimyek ikes.

Ŋikiru. 105:39

Abu Akuj kiŋarenik ŋituŋa keŋ esibit edou naparan, ido abu kiŋarenik ikes esibit arira a akim nakwaare.

Ŋikiru. 107:7

Abu kiten ikes kitoryo lorot ŋolo acorosi, akitodol ŋina adolyoto ikes lotaun ŋolo apotu ikes kiboiyoto.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 78:14

Abu Akuj kiten ikes imukit ka adis naparan ka kiten ikes akuwar kya ka arira a akim.

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ekim. 9:16

Ekoni nen jik a ŋinakoloŋit: Naparan arapuwarit Ekapolon eema ŋolo ayai Asaduku ŋina ka Acamunet esibit adis, nakwaare totakani esibit arira a akim.

Ekim. 9:21

Ŋapakio ŋace arapuwanari edou Eema ameun eboŋ tari taparacu, ido ani ŋina ikyaaror edou taparacu towotokis Ŋisirael kiŋaren, kori ani kerubaki edou erapuwarit Eema apaaran ka akuwar, ani ikyaar edou towotokis Ŋisirael anakibois a ŋina sek alomito.

Ŋikis. 1:33

ŋolo ikiŋarenikinit iyes erot daadaŋ aryamun akibois ŋina ilomete iyes. Abu iŋes ikiŋarenik iyes nakwaare esibit arira a akim ka naparan esibit adis, ikitoodikinit iyes erot ŋolo emaikina iyes kiwuapa.”