Neem. 9:11 - Ebaibul

¹¹ Ibu iyoŋ totyak ŋakipi a anam alokiŋaren kec, ikotere edokyata ikes anam eonit, nai ibu iyoŋ kimasak ŋulu ewupito ikes tooma nakipi, todoiyosi ikes esibit ŋamoru tooma nakipi ŋuna alalak.

Neem. 9:11 Iomraidhean Croise

Ŋikiru. 66:6

Abu iŋes kilocok neni sek arae anam kituruwo akwap neni aonon, apotu ŋituŋa todoka aŋolol a ŋakejen. Aŋun, olelyana neni ka Akuj.

Ŋikiru. 78:13

Abu Akuj totyak ŋakipi ka anam, kitoryo ikes kidiŋ nen todokasi; abu kitowo ŋakipi towua ikwa arwatata.

Awos. 14:14

Eji Ekapolon aŋuna kus; emaikina iyes tolemasi akuryanu bon aneni kus.”

Awos. 14:25

Tomunana ŋakejen a ŋagaari kec, nyitepedo Ŋijipitian amyaar ikes. Temasi nai Ŋijipitian, “Oema aneni a Ŋisirael! Iŋarakinit Ekapolon Ŋisirael akitijiore iwon Ŋijipitian.”

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Yer. 32:20

Ibu iyoŋ kitiya ŋakujuwuanisya ka ŋaumonokineta anakwap a Ijipit ka alorwa a lu itiyae iyoŋ ŋunapei alo Isirael ka alokidiŋ ŋituŋa daadaŋ ŋulu a ŋakwapin, ido ituruwo iyoŋ ekiro kon ŋolo eyenen tari nakoloŋit na.

1 Ŋikor. 10:1

Ŋikaitotoi kaŋ, acamit ayoŋ iyes totamut ŋuna apotu kitiyakinos neni atapapaa yok, ŋulu apotu totupakis Moses. Abu edou toiu ikes, todoka daadaŋ anam ŋina enyaritae “Anam ŋina areŋan”.

Ŋibur. 11:29

Anupit iŋes koloŋ etoryoto ŋituŋa ŋulu a Isirael Nanam ŋina Areŋan eonit ikwa akwap neni aonon, nai ani ikatakinete ŋituŋa ŋulu a Ijipit daŋ akidok, kitamata ŋakipi ikes.

Akis. 18:21

Abu emalaika tolemu amoru ŋina atya ŋinakiryeet, kimasa nanam ebala, “Ikokinio inyasunio Babilon etaun ŋolo apolon nooi nege, nyeanyuwar nabo.