Neem. 9:10 - Ebaibul

¹⁰ Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Neem. 9:10 Iomraidhean Croise

Neem. 9:16

“Nai apotu atapapaa kosi kiturokinos, tosodo kitogogo ŋakyes kec ka nyiwuap ŋakiciketa kon;

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Ŋikiru. 83:18

Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 7:1

Tema nai Ekapolon neni a Moses, “Kiira, ekesikokini ayoŋ iyoŋ irworo Akuj aneni a Parao, ido eruwor lokaato kon Aron irwori aŋuna kon ikwa ekadwaran.

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Isa. 42:20

Iŋolyanakini iŋes ŋiboro ŋulu alalak, nai nyemitakinit, epupete ŋaki keŋ, nai nyiiranari ŋakiro.”

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Isa. 63:14

Abu etau a Ekapolon inak ikes akieŋun lopite ŋolo etiyaarotor ŋaatuk nakadipaalat. Aŋun, ibu iyoŋ Ekapolon kiten ŋituŋa kon, ikotere itopoloorere ekiro kon.

Yer. 32:20

Ibu iyoŋ kitiya ŋakujuwuanisya ka ŋaumonokineta anakwap a Ijipit ka alorwa a lu itiyae iyoŋ ŋunapei alo Isirael ka alokidiŋ ŋituŋa daadaŋ ŋulu a ŋakwapin, ido ituruwo iyoŋ ekiro kon ŋolo eyenen tari nakoloŋit na.

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 9:15

“Nai tokona okoe Ekapolon Akuj kosi, ŋina ibu iyau ŋituŋa kon anakwap a Ijipit a apedor kon a ŋina etiron ka kituruwo ekiro kon ŋolo eyenen alotuŋa tari nakoloŋit na. Ikisec isua ka etiyae isua ŋuna aronok.

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 7:19

totamunito ŋakikatanakineta ŋuna apolok, ŋuna ipotu iyes kiŋolikis a ŋakonyen kus, totamunito ŋakujuwuanisya ŋaumonokineta ka apedor keŋ ŋina etiron ta agogoŋu keŋ ŋina abunio Ekapolon Akuj kus ikiyaunia iyes alo Ijipit. Itiyae Ekapolon Akuj kus ŋunapei neni a ŋituŋa a daadaŋ a ŋulu ikuryaka iyes aŋuna kec.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”