Neem. 8:8 - Ebaibul

⁸ Aŋun, apotu ikes tosyoma alokitaabo a ŋolo a ŋikisila ka Akuj ikeunito ŋitoilon ka apotu ikes tolimokis ŋituŋa apolou a ŋakiro a ŋuna asyomyo, ikotere ŋituŋa eyenunete.

Neem. 8:8 Iomraidhean Croise

2 Ŋirw. 23:2

Abu erwosit kitipeiyo Kai ka Akuj, torukosi ka ŋituŋa daadaŋ ŋulu a Yudaya ka ŋulu a Yerusalem daadaŋ. Torukosi iŋes ka ŋisacaradotin, ŋikadwarak ta ŋituŋa daadaŋ, ŋulu ecarioko kaapei ka ŋikarwok. Tosyom iŋes alokiŋaren kec ŋakiro daadaŋ ŋuna egiritae lokitaabo ŋolo ka Acamunet, ŋolo aponi torukaunae alotooma Akai ka Akuj.

Esir 4:18

adaun akisyom abaruwa ŋina ikigirakinete iyes ayoŋ ka akibeleun ŋakiro keŋ alokiŋaren kaŋ.

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Neem. 8:7

Apotu ŋilepi lu: Yesua, Bani, Serebia, Yamin, Akub, Sabasai, Odia, Maaseia, Kelita, Asaria, Yosabad, Anan, Pelaia, kiŋarakis ŋituŋa ayenun ŋikisila, apaki ŋina awuatar ŋituŋa analapatu.

Neem. 8:9

Apotu nai Neemia ŋolo arae ekepukan ka Esira ŋolo arae esacaradoti ka eketataman a ŋikisila ta ŋilepi ŋulu etatamete, tolimokis ŋituŋa temasi, “Erae akoloŋit na ŋina eseg aneni ke Ekapolon Akuj kus, nyiyaloloŋo, kori nyigworo.” Alimunete ikes ŋun, anerae apotu ŋituŋa daadaŋ kigworo apaki ŋina eiraryata ŋakiro ŋuna a ŋikisila.

Neem. 9:3

Towua ikes anakiboisyo kec, ido yaasi ŋisaae ŋiuni esyomete ŋakiro alokitaabo a ŋolo a ŋikisila a Ekapolon a Akuj kec, tosodo nabo alotooma ŋisaae ŋiuni tolimonosi ŋasecisya kec ka kilipa neni ke Ekapolon a Akuj kec.

Esek. 46:10

Emaikina ani elomunete ikes tooma, tolomu ekepukan daŋ tooma kaapei ka ikes ka ani elomarete ikes kiŋa, toloma ekepukan daŋ kiŋa.

Abak. 2:2

Abu nai Ekapolon okoboŋok ayoŋ a ŋakiro a nu, “Kigir ilereete ejok namoru ŋuna edapal ŋakiro ŋuna ekesileerekini ayoŋ iyoŋ, ikotere epedori ŋini iŋolikini akisyom.

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Luk. 24:45

Toŋaaros ŋatameta kec toyenut ŋuna igiritae Nakigireta.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.