Neem. 8:7 - Ebaibul

⁷ Apotu ŋilepi lu: Yesua, Bani, Serebia, Yamin, Akub, Sabasai, Odia, Maaseia, Kelita, Asaria, Yosabad, Anan, Pelaia, kiŋarakis ŋituŋa ayenun ŋikisila, apaki ŋina awuatar ŋituŋa analapatu.

Neem. 8:7 Iomraidhean Croise

1 Ŋirw. 8:14

Kiŋoliya nai erwosit lowae ŋolo aya ŋituŋa, kiterereŋ iŋes ŋituŋa a Isirael daadaŋ; apaki ŋin, awuasi ŋituŋa daadaŋ.

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

2 Ŋakiro a ŋirwa 35:3

Tolimok ŋilepi ŋulu etatamete Ŋisirael daadaŋ ka ŋulu aris kitaleun neni ke Ekapolon ebe, “Kiwuakisi Asaduku ŋina asegan ŋina ka Acamunet Kai ka Akuj ŋina abu Solomon lokoku a Daudi ŋolo arae erwosit toduk; nyemaikina iyes torubakis iryoŋito iŋes. Kitiyanakisi tokona Ekapolon Akuj kus ka ŋituŋa keŋ Ŋisirael.

Esir 8:18

Ikwapei ikiŋarakinitor isua Ekapolon, apotu ikes ikiyakikis isua Serebia ekile ŋolo ajokak ŋipitesyo ŋolo arae epei a ŋiletok a Mali alokoku a Lepi a ŋolo arae lokaku a Isirael, abu Serebia torukut ka ŋidwe keŋ ka ŋiyeneta keŋ arae ikes daadaŋ ŋitomon ka ŋikanikauni,

Neem. 10:18

Odia, Asum, Besai,

Neem. 10:2

Seraia, Asaria, Yeremia,

Neem. 11:16

arukito iŋes ka Sabesai ta Yosabad ŋulu arae ŋiarei alotooma ŋikapolokinitok a ŋilepi, apolokinito ikes ŋiticisyo ŋulu alokiŋa Akai ka Akuj,

Neem. 11:19

Ŋiketeok ŋipukei ŋulu eboiyete alo Yerusalem ikes lu: Akub ka Talimon ta ŋirukitos kec ŋulu eteoto ikes ŋipukei, arae ekimar kec a daadaŋ amiat ka ŋatomonikanikaarei ka ŋiarei.

Neem. 12:33

ka Asaria, Esira, Mesulam,

Neem. 3:17

Ekaku a Neemia, todukokis ŋilepi lu arwatata alokiŋaren keŋ: Todukok Reum lokoku a Bani, totupak Asabia ekepukan a atutubet a apei a akibois a ŋina anyaritae Keila, todukok iŋes arwatata aŋuna a ŋituŋa a akibois keŋ.

Neem. 3:19

totupak Eser lokoku a Yesua a ŋolo arae ekepukan a Misipa, abu iŋes todukok arwatata neni eteosi ka neni eŋadatae ŋiboro ŋulujiet alokoona a arwatata.

Neem. 3:23

Ekaku a ŋisacaradotin totupakis Benjamin ka Asub, todukokis ŋul arwatata neni iteosi ka akai kec. Ekaku kec todukok Asaria lokoku ka Maaseia a ŋolo arae lokoku ka Anania arwatata neni ebakasi ka akai keŋ.

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Neem. 8:4

Awoi Esira eketataman a ŋikisila apaki ŋin alopemu a ŋolo keponi todukokinae aŋuna a ŋakiro a ŋun, tosodi awuasi alodiyete keŋ anakan a ŋina aloteten Matisia, Sema, Anaia, Uria, Ilikia ka Maaseia, towuas anakan a ŋina alokedyeny Pedaia, Misael, Maliciya, Asum Asabadana, Sekaria ka Mesulam.

Neem. 8:6

Kipur nai Esira Ekapolon, Akuj ŋina ailiilon, toboŋokis ŋituŋa daadaŋ temasi “Amen, Amen” ikyaarito ŋakan kec. Tosodi kijuuroto, kilipa neni ke Ekapolon edolito ŋireetin kwap.

Neem. 8:8

Aŋun, apotu ikes tosyoma alokitaabo a ŋolo a ŋikisila ka Akuj ikeunito ŋitoilon ka apotu ikes tolimokis ŋituŋa apolou a ŋakiro a ŋuna asyomyo, ikotere ŋituŋa eyenunete.

Neem. 9:3

Towua ikes anakiboisyo kec, ido yaasi ŋisaae ŋiuni esyomete ŋakiro alokitaabo a ŋolo a ŋikisila a Ekapolon a Akuj kec, tosodo nabo alotooma ŋisaae ŋiuni tolimonosi ŋasecisya kec ka kilipa neni ke Ekapolon a Akuj kec.

Neem. 9:4

Apotu nai Yesua, Bani, Kadimel, Sebania, Buni, Serebia, Bani ka Kenani towua anadoketa a ŋilepi kiworout a ŋitoilon a ŋulu apolok neni ke Ekapolon Akuj kec.

Ŋilep. 10:11

ido emaikina iyoŋ kitatam Ŋisirael ŋakiro daadaŋ ŋuna atubu Ekapolon ŋuna adau alimun aneni a Moses.”

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Ŋikis. 33:10

Itatamete ŋilepi ŋituŋa a Yakob ŋakiciketa kon ka itatamete Ŋisirael ŋikisila kon. Eyaununeete ikes ekinyate kiŋaren kon ka eyaununeete ŋainakineta ŋuna epeyo Namuroet kon.