Neem. 8:3 - Ebaibul

³ Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Neem. 8:3 Iomraidhean Croise

Neem. 10:29

kimorikin ka ŋiyeneta kec ta ŋikapolok kec tocamut aryamun ŋicen erae pa kiwuap ŋikisila a Akuj ka kikoŋo akiwuap ŋikisila ŋulu ka Akuj, ŋulu ainakini Moses ŋolo arae eketiyan ka Akuj ikes ka akiwuap ejok ŋakiciketa daadaŋ ŋuna ke Ekapolon Akuj yok ka ŋikisila keŋ ka ŋakiro ŋuna etubunit iŋes.

Neem. 13:1

Akoloŋit ŋin, aponi tosyomae ŋakiro alokitaabo a Moses epupete ŋituŋa, ido aponi toryamunae igiritae atemar mam ituŋanan ŋini alo Amon, kori alo Moab ŋini emaikina toloma natukot ŋina a ŋituŋa ka Akuj,

Neem. 8:1

Tocununos ŋituŋa daadaŋ nalapatu ŋina alokiŋaren epuke ŋolo a Ŋakipi. Tolimokis ikes Esira eketataman a ŋikisila ayaun ekitaabo ŋolo a ŋikisila a Moses, a ŋulu abu Ekapolon inak Ŋisirael.

Neem. 8:18

Tosodi a ŋinakoloŋit, ameun anakoloŋit a ŋina esyaunan akitodol akoloŋit ŋina esidyon asyomenene Esira ŋakiro alokitaabo a ŋolo a ŋikisila ka Akuj. Kinumunuma ikes ŋasuban ŋun ŋirwa ŋikanikaarei, ani edoli akoloŋit ŋina a ŋakanikauni tocunakinos ŋituŋa aŋuna ka akilip lopite ŋolo ecikitere.

Neem. 8:4

Awoi Esira eketataman a ŋikisila apaki ŋin alopemu a ŋolo keponi todukokinae aŋuna a ŋakiro a ŋun, tosodi awuasi alodiyete keŋ anakan a ŋina aloteten Matisia, Sema, Anaia, Uria, Ilikia ka Maaseia, towuas anakan a ŋina alokedyeny Pedaia, Misael, Maliciya, Asum Asabadana, Sekaria ka Mesulam.

Neem. 8:5

Abu Esira toŋaa ekitaabo iteete ŋituŋa daadaŋ, eteete ŋituŋa daadaŋ, anerae awoi iŋes aneni ekyaara, ido ani eŋaari iŋes ekitaabo, tonyout ŋituŋa daadaŋ.

Mar. 12:37

Enyarit Daudi iŋes ‘Ekapolon’; ikokini nai iŋes eruwor lokoku keŋ ai?” Abu asepic ŋina alalan kiira akitatam a Yesu ka alakara.

Luk. 19:48

nai toŋopik ikes epite ŋoloaret iŋes, anerae apupete ŋituŋa daadaŋ ŋakiro a Yesu, emam ŋini acamit tari apeikirot ebucar.

Luk. 8:18

“Tocoito robo ikwaŋina iiraryata; anerae ituŋanan daadaŋ ŋini eyakar ibore einakinio ŋini elal, nai ŋini daadaŋ emam ibore eyai, edemaryo tari ŋinidio cici ŋini etami iŋes atemar ayakar.”

Ŋitic. 13:15

Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋitic. 13:27

Apotu ŋituŋa ŋulu a Yerusalem ka ŋikarikok kec nyeyena Yesu, kori nyiirasi ŋakiro ŋuna a ŋikadwarak ŋuna esyomeneneo a ŋinakoloŋit a Sabato. Tari kikote nen, apotu kisiyookis ŋun, toara iŋes.

Ŋitic. 15:21

Anerae elimonokinio Ŋikisila a Moses lotaunio daadaŋ ŋinapei koloŋ ka esyomeneneo alosinagogae a ŋinakoloŋit a Sabato.”

Ŋitic. 16:14

Apei alokidiŋ ŋuna ikipupete isua, arae aberu ŋina anyaritae Lidia ŋina alotaun a ŋolo a Tyatira, ŋina agyelanari ŋilowi ŋulu kipura areŋak. Arae iŋes aberu ŋina ainakina neni ka Akuj. Abu Ekapolon toŋaa etau keŋ akiirar tocamu ŋakiro ŋuna erworo Paulo.

Ŋitic. 17:11

Apupete ŋituŋa a nen ŋakiro akilo ŋulu alo Tesalonika, anerae apotu kijaut ŋakiro ŋuna ka Akuj ecamito nooi, tosyomete a ŋinakoloŋit ŋakiro ŋuna igiritae Nakigireta, ecamito aripun erae kerae kire ŋakiro ŋuna erworo Paulo.

Ŋitic. 20:11

Toboŋo iŋes kidiama kai, tokorak Akimuj ŋina ke Ekapolon kimuja kaapei. Kirworo iŋes ka ikes ekaoyan akitodol nakipiripirunet akoloŋ, ido torotok.

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

Ŋikis. 31:9

Abu nai Moses kigir ŋikisila ŋul, ido inak neni a ŋisacaradotin, neni a ŋidwe a Lepi a ŋulu aryoŋito Asaduku ŋina ka Acamunet ke Ekapolon ka neni a ŋikasikou a Ŋisirael daadaŋ.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.

Akis. 2:29

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.

Akis. 3:22

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.”