Neem. 8:18 - Ebaibul

¹⁸ Tosodi a ŋinakoloŋit, ameun anakoloŋit a ŋina esyaunan akitodol akoloŋit ŋina esidyon asyomenene Esira ŋakiro alokitaabo a ŋolo a ŋikisila ka Akuj. Kinumunuma ikes ŋasuban ŋun ŋirwa ŋikanikaarei, ani edoli akoloŋit ŋina a ŋakanikauni tocunakinos ŋituŋa aŋuna ka akilip lopite ŋolo ecikitere.

Neem. 8:18 Iomraidhean Croise

Neem. 8:2

Ikwapei alimunioto ŋituŋa, abu esacaradoti Esira yau ŋikisila kiŋaren atukot a ŋituŋa, kiŋaren ŋikilyok ka ŋaberu ta ŋituŋa daadaŋ ŋulu apedorito akiirar ka ayenun ŋakiro. Etiyakin ŋun akoloŋit ŋina esyaunan alolap a ŋolo a ŋikanikaarei.

Neem. 8:3

Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Ŋilep. 23:36

Alotooma ŋirwa ŋul ŋikanikaarei, yaasi ŋainakineta kus ŋuna icunyio neni ke Ekapolon. Ani edoli ŋirwa ŋikanikauni, tocunakinos iwapei kilipa irae ŋulu asegak, ido yaasi akoloŋit ŋin ŋainakineta ŋuna icunyio neni ke Ekapolon. Erae acunakin ŋin ŋina esidyon; nyitiyata etic edio.

Ŋilep. 23:41

Kitiyata ŋasuban ŋun erae ŋuna ke Ekapolon ŋirwa ŋikanikaarei a ŋolokaru. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ a ŋuna eponito; kitiyata ŋun edoli elap ŋolo a ŋikanikaarei.

Ekim. 29:35

Ani epete ŋirwa ŋikanikauni emaikina iyes tocunakinos kilipa, nyemaikina toloto loticisyo kitiyata.

Yoa. 7:37

Akoloŋit ŋina esidyon ŋina apolon nooi akilo, anasuban a ŋuna edukere ŋitogoi, tonyou Yesu tocelu tema, “Ŋini enyamit akure, bu neni kaŋ tomat.