Neem. 8:17 - Ebaibul

¹⁷ Todukut ŋituŋa daadaŋ ŋulu aboŋunete anakwap a ŋina arikoritae ŋisakaitei, kiboiyoto alotooma kec, anerae ameun alorwa a Yesua a lokoku a Nun akitodol akoloŋit ŋin nyiboiyo Ŋisirael alosakaitei. Apotu ŋituŋa tolelyana nooi.

Neem. 8:17 Iomraidhean Croise

1 Ŋakiro a ŋirwa 29:22

Apotu ŋituŋa kimuja ka tomata analelyanu alokiŋaren Ekapolon akoloŋit ŋin. Kituruwosi ikes Solomon lokoku a Daudi erwosit nabo, kiosakis iŋes akimyet ikwapei ekepukan ŋolo ke Ekapolon ka kituruwosi Sadok esacaradoti.

2 Ŋakiro a ŋirwa 30:26

Abu alelyanu ŋina apolon nooi toyakaun Yerusalem, anerae ŋinapei alorwa a Solomon alokoku a Daudi a ŋolo arae erwosit a Ŋisirael, mam alelyanu abu toyakaun Yerusalem ŋina ekoni ŋin.

2 Ŋakiro a ŋirwa 35:18

Mam ŋasuban a Paska ŋuna ekwaan ka ŋun ŋuna keponi kitiyae alo Isirael mati ŋuna a ŋirwa a ŋulu a Samuel a ekadwaran; mam epei daŋ alorwosi a Ŋisirael ŋolo kebu kitiya ŋasuban ŋuna a Paska, lopite ŋolo abunio Yosia kitiyaata ka ŋisacaradotin, ŋilepi ka ŋituŋa a Yudaya ka ŋulu a Isirael ta ŋulu eboiyete alo Yerusalem.

2 Ŋakiro a ŋirwa 8:13

Etiyae iŋes ŋun ikwapei etic ŋolo amaikina iŋes kitiya a ŋinakoloŋit, lopite ŋolo ecikitor Moses ainanakin edoli akoloŋit ŋina a Sabato, ŋina elomunia elap ka ŋapakio ŋuna a ŋasuban a ŋunauni a ŋuna a ŋolokaru. Ŋasuban ŋun ikes nu: Ŋasuban ŋuna a ŋamugati a ŋuna emam ŋakinyalet, ŋasuban ŋuna a ŋikinyom a ŋulukitet ka ŋasuban ŋuna edukere ŋisakaitei.

Esir 3:4

Ericakinito ikes akitiya ŋasuban ŋuna a ŋisakaitei lopite ŋolo alimunitere, inanakis ŋainakineta ŋuna epeyo a ŋinakoloŋit alotooma ekimar ŋolo atubunitoe, lopite ŋolo amaikina kitiyare a ŋinakoloŋit.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋikis. 16:15

kitiyata ŋasuban ŋun ŋirwa ŋikanikaarei aŋuna ke Ekapolon Akuj kus, anakibois a ŋina eseuni Ekapolon, anerae ikiterereŋi iyes Ekapolon Akuj kus a ŋaraito a daadaŋ a ŋuna iryamunete iyes ka aloticisyo kus a daadaŋ a ŋulu itiyaete iyes, ido ilelyanete iyes nooi.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 11:9

Anupit iŋes abunio Aburaam kiboi anakwap a ŋina eikinit Akuj iŋes erae ituŋanan ŋini gela. Abu iŋes kiboi aloeemae ikwa Isaka ka Yakobo ŋulu apotu toryamut akiikinet ŋinapei aneni ka Akuj.

Ŋibur. 4:8

Kerae kitodolite Yosua Ŋisirael nakwap ŋina ka akieŋunia a ŋina eikinit Akuj ikes, pa nabo kirworit Akuj ekaku ŋakiro ka akoloŋit ka ace.

Yos. 1:1

Ekaku ketwana Moses eketiyan ŋolo ke Ekapolon, kirwor Ekapolon neni a Yosua a lokoku a Nun, a ŋolo sek eŋarakinit Moses tema,