Neem. 8:10 - Ebaibul

¹⁰ Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Neem. 8:10 Iomraidhean Croise

1 Ŋirw. 8:66

Ani epete ŋirwa ŋitomon ka ŋikan, tolimok Solomon ŋituŋa kielaros toloto. Kiterereŋo ŋituŋa erwosit, ido toloto lorerya elelyanete ka elakara alotai kec aŋuna ajokak a daadaŋ a ŋuna etiya Ekapolon neni a Daudi a eketiyan keŋ ka neni a Ŋisirael a ŋituŋa keŋ.

1 Ŋakiro a ŋirwa 16:27

Erae iŋes ŋolo itopolooritae ka eiliili apolou keŋ nooi; eyakasi nakibois keŋ agogoŋu ka alelyanu.

Neem. 8:11

Kisililiŋa ŋilepi ŋituŋa daadaŋ temasi, “Kililiŋa, anerae erae akoloŋit na ŋina eseg, italeoritae, nyiyaloloŋo.”

Neem. 8:12

Apotu nai ŋituŋa daadaŋ toloto lorerya kec akimuj ka akimat, inanakis ŋamuja ŋace neni a ŋulu amam ibore etemokinito akimuj ka tolelyana nooi, anerae apotu toyenut ŋakiro ŋuna alimokinio ikes.

Esta 9:19

Ŋakiro ŋun nai ecunanakinotor Ŋiyudayan ŋulu iboiyete alorerya ŋirwa ke elap ŋitomon ka ŋiomwon elap ŋolo ka Adar; ituruworitor akoloŋit ŋin ŋina ka alelyan, ŋina a ŋasuban, akoloŋit ŋina ajokan ŋina einanakinere make ŋainakineta.

Esta 9:22

Totamunito ŋirwa ŋul erae ŋirwa ŋulu eeŋuniata Ŋiyudayan alomoe kec ka elap ŋol erae elap ŋolo aryamuniata ikes alelyan akilo akiyaloloŋ, akieŋun akilo akigworo. Amaikina ikes kituruwosi ŋirwa ŋul ŋulu ka alelyan ka ŋulu a ŋasuban, ŋirwa ŋulu einanakinere make ŋainakineta ŋuna a ŋamuja ka ŋulu einanakinere ŋainakineta neni a ŋikulyak.

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 89:17

anerae neni kon ebunitor arwonu ŋina ka agogoŋu kosi, ido anamina kon, ikiinanakini iyoŋ isua akilounun ŋimoe kosi;

Ŋakit. 17:22

Erae alakara a etau a ituŋanan ekitoe ŋolo einakinit akuwan keŋ aŋaleu, nai erae aŋoit ibore ŋini ipyedari etau a ituŋanan.

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Ekal. 3:13

Erae daŋ nu ainakinet ŋina ka Akuj, emaikina ŋinituŋanan kimuj ka tomat, kilubulub analelyanu ibore daadaŋ ŋini adau iŋes aryamun aŋuna a etic keŋ.

Ekal. 5:18

Erae nu ŋuna eŋolik ayoŋ erae ŋuna ejokak: Ŋuna ejok ŋinituŋanan akitiya iŋes akimuj ka akimat, ikotere iruwor ŋini ilakara alotic a daadaŋ a ŋolo itiyae iyoŋ anakwap a na alorwa a ŋulu ekudyoko a ŋulu ikiinakinit Akuj iwon, anerae erae ŋin ainakinet ŋina ikiinakinitae iwon.

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 49:5

Alimu tokona Ekapolon ŋolo akayeuni ayoŋ anakook atoto kaŋ aruwor eketiyan keŋ, ŋolo akaseuni ayoŋ akinyakar neni keŋ ŋiletok a Yakob ka acunar Ŋisirael neni keŋ; ŋolo eketopoloorit ayoŋ, Akuj kaŋ ŋina aruwor agogoŋu kaŋ,

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Sakar 14:21

Esegeta ŋamoti daadaŋ alo Yerusalem ka Yudaya erae ŋuna ke Ekapolon a ŋolo Etiron, ikotere nai daadaŋ ŋulu epote akitiya amuronot epedorete akisitiya ikes akipoo akiriŋ ŋina ka amuronot. Akoloŋit ŋin, edaunosi ŋikecurutak alo Kai ke Ekapolon a ŋolo Etiron.

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

2 Ŋikor. 8:2

Aponi ikes kitemoe nooi alocan a ŋulu apotu ikes kitoro; nai abu alelyan kec ŋina alal kitirimaan ikes anainanakin, tari kekulyakaka daŋ nooi.

Ŋipil. 3:4

tari daŋ ŋina ikiyakar ayoŋ ŋakiro ŋuna ekinyomitor ŋuna itiyao kiŋa akuwan. Ani ketami ituŋanan ice atemar eyakar iŋes ŋakiro ŋuna ikinyomitor ŋun, ayakar ayoŋ ŋuna alalak akilo.

Akis. 11:10

Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.

1 Sam. 25:8

Kiŋit iyoŋ ŋiketiyak kon a elope, ikilimokinete ikes iyoŋ. Aŋun, kitiya ŋuna ka arimao neni a ŋisorok kaŋ a ŋul, anerae aponi isua neni kon akoloŋit na ŋina a ŋasuban. Ekelipit ayoŋ iyoŋ inak ŋiketiyak kon ka Daudi lokoku kon ibore ca daadaŋ ŋini iyakar iyoŋ aŋuna a ŋiketiyak kon.’ ”