Neem. 6:9 - Ebaibul

⁹ Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Neem. 6:9 Iomraidhean Croise

2 Ŋakiro a ŋirwa 15:7

Nai ani eruwor iyes, totitinyikisi, nyijamakis ŋuna itiyaete iyes, anerae ikiinakinio iyes eropit anakiro a ŋuna itiyaete iyes.”

2 Ŋakiro a ŋirwa 32:18

Apotu ŋikapolok ka Asiriya ŋul tocelut irworosi ŋakiro ŋun a Ŋaburaniyae neni a ŋituŋa a Yerusalem a ŋulu awuasi alokidiama arwatata, acelasi ikes aŋuna acamitotor akitubul ka akitukuryaniyar ŋituŋa a Yerusalem, ikotere ikes ikamarete etaun.

Esir 1:6

Apotu ŋikidunyet kec daadaŋ inanakis ikes ŋiboro ŋulu isitiyao alo Kai ka Akuj, ŋulu etiyaunitae a esilipa, inanakis ikes egolid, ŋiboro ŋulu egelegelya, ŋibaren ka ŋainakineta ŋuna epol egyelit pa imaritae ŋainakineta ŋuna ainakini ituŋanan anacamit keŋ a ilope.

Neem. 6:14

Okoe Akuj kaŋ, toyeni Tobia ka Sanibalat, alotooma ŋakiro nu ŋuna etiyata ikes ka akadwaran Noadia daŋ ka ŋikadwarak ŋuluce daadaŋ ŋulu acamito akitubul ayoŋ.

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 56:3

Ani apaki ŋina akabuli ayoŋ, ekekinyomi ayoŋ iyoŋ.

Ŋikiru. 68:35

Okoe Akuj, irae iyoŋ ŋina ailiilon anakibois kon a ŋina asegan; Akuj a Isirael einanakini Akuj apedor ka agogoŋu lotuŋa keŋ. Toyai akipuro neni ka Akuj!

Ŋikiru. 71:1

Okoe Ekapolon, abunit ayoŋ neni kon aryamun aiuno; nyikimyek ayoŋ ekesurumyo ŋileec.

Isa. 40:29

Einanakini epedor neni a ŋulu eleleny, einanakini agogoŋu neni a ŋulu emam apedor.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Yer. 38:4

Tolimokis nai ŋikapolok erwosit temasi, “Emaikina ekile lo toarae, anerae nyisimukekinit iŋes ŋasigarya ŋuna idoŋito lotaun kaapei ka ŋituŋa daadaŋ anakiro a ŋuna irworo iŋes neni kec. Nyemitakinit ekile lo akiyar a ŋituŋa, nai ecamit iŋes tomunyarae ŋituŋa.”

Esek. 30:24

Ewuakini ayoŋ agogoŋu neni a erwosit a Babilon, Oinak iŋes ekileŋ kaŋ totiŋ; nai alemari ayoŋ agogoŋu a Parao, ido kigwor irurumae alokiŋaren erwosit a Babilon lopite ŋolo igworor ituŋanan ŋini ewanitae nooi.

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋibur. 12:12

Kikeutu nai tokona ŋakan kus ŋuna eupit ka kitogogoŋo ŋakuŋin kus ŋuna emaranete!

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.