Neem. 6:19 - Ebaibul

¹⁹ Apotu daŋ ŋituŋa ŋul okolimokis ayoŋ ŋuna a ŋiticisyo a Tobia a ŋulu ajokak, ido kepotu ikes tolimokis iŋes ŋakiro kaŋ. Tosodi abu Tobia kiyaku ŋabaruwae akitukuryan ayoŋ.

Neem. 6:19 Iomraidhean Croise

Neem. 6:13

Kipaŋgatae iŋes aŋuna a ŋakiro a nu: Akitubul ayoŋ, ikotere osec ayoŋ aŋuna etiyaa ŋakiro ŋun, ikotere oruwor ayoŋ ituŋanan ŋini aronon alotuŋa.

Neem. 6:18

Alalak ŋituŋa a Yudaya ŋulu kikoŋito neni a Tobia, anerae arae iŋes lokamuran a Sakania alokoku ka Ara, ido eisit lokoku keŋ Yeoanan nakoku a Mesulam a ŋolo arae lokoku a Berekia.

Neem. 6:9

Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Neem. 7:1

Kedaun adukokin arwatata ka kadau ayoŋ akiwuakin ŋikekya, ŋiketeok ŋipukei, ŋikaeok ka keseun ŋilepi,

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Yoa. 15:19

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.

Yoa. 7:7

Nyepedori akwap akitidiŋ iyes, nai eketidiŋit ayoŋ, anerae arubakinit alimonokini iŋes atemar eroko nooi ŋikeeticisyo.

1 Yoa. 4:5

Erae ikes ŋulu ka akwap, aŋun, ŋuna irworosi ikes, erae ŋuna ka akwap ka epupi akwap ŋakiro kec.